عراق رسميلری مملکت جَنوبیدهگی بصره شهریده جایلشگن برق استشنیده صادر بۉلگن یانغین عاقبتیده کمیده تۉرت کیشی هلاک بۉلگنی، ینه ۳۰ کیشی یرهلنگنینی معلوم قیلدی.
رویترز آژانسینینگ خبر بېریشیچه، یانغین بوگون (شنبه، ۳۰ عقرب) بصره شهری نینگ شِمالیدهگی «حارثه» برق استشنیده صادر بۉلگن. حادثه عاقبتیده مذکور الکتر ستشنینینگ فعالیتی توختهتیلگن.
عراق فقرا محافظهسی تشکیلاتی رسميلرینینگ ایتیشیچه، یانغین قۉشنی اویلرنی هم قمرهب آلگن. بیراق اولر یېتکزیلگن ضرر حقیده معلومات بېرمهگن.
عراق دولت اخبارات آژانسی خبریگه کۉره، حاضرده فقرا محافظهسی گروهلری و اۉت اۉچیرووچیلر برق استشنیدهگی یانغیننی نظارت آستیگه آلیشگه موفق بۉلگن.
رسميلر «حارثه» برق استشنی نینگ اۉرنهتیلگن ایشلب چیقریش قوّتی ۸۰ح مېگاواتتنی تشکیل اېتیشینی، بیراق یانغین صادر بۉلیشیدن آلدین ستشن تخمیناً ۴۰۰ مېگاوات قوّت بیلن ایشلهگنینی بیلدیرگن.
عراق دولت اخبارات آژانسی معلوماتلریگه کۉره، حاضرچه یانغیننینگ کېلیب چیقیش سببی و یېتکزیلگن ضرر مقداری حقیده رسمي معلومات اعلان قیلینمهگن.
عراق نینگ برق انرژیسی تاسیساتی اۉنلب ییللر دوامیده آستقورمهلرنینگ یېتیشمسلیگی، تخنیکي خدمت کۉرسهتیشدهگی کمچیلیکلر و برق انرژیسیگه بۉلگن اېنگ یوقاری طلبنی قاندیره آلمهسلیک کبی معمالرگه دوچ کېلماقده.
اوّل هم برق استشنلری و برق تأمیناتی اۉبژېکتلریده یوز بېرگن یانغینلر همده تخنیکي ناسازلیکلر الکتر تأمیناتیده اوزیلیشلر و کېنگ کۉلملی الکتر اۉچیشلریگه سبب بۉلگن.
