اسرایل باش وزیری بنیامین نتانیاهو امریکا جمهور رییسی دونالد ترامپ بیلن اوچرهشیش اوچون واشنگتنگه یۉل آلدی.
بنیامین نتانیاهو جۉنهب کېتیشیدن آلدین بېرگن بیاناتیده: «کون ترتیبیدهگی برچه مسألهلرنی، اېنگ بیرینچیسی ایران مسألهسینی بحث قیلهمیز»، دېدی.
اونینگ تأکیدلشیچه، اسرایلنینگ اساسي مقصدی اۉز خوفسیزلیگینی تأمینلش همده منطقهده تینچلیک دایرهسینی ینه-ده کېنگهیتیریش دیر.
نتانیاهو سۉزلریگه کۉره، باش وزیر صفتیدهگی تجربهسی شونی کۉرسهتهدیکی، مرکّب دورلرده قطعیت بیلن بیر قطارده دانالیک و وزمینلیک بیلن هم حرکت قیلیش ضرور.
او بو دونالد ترامپ آق اویگه قَیتگنیدن بویان اولر اۉرتهسیدهگی سکّیزینچی اوچرهشوو بۉلیشینی ایتیب، بونی کتّه شرَف، شو بیلن بیرگه کتّه مسوولیت هم اېکنینی تأکیدلهدی.
بنیامین نتانیاهونینگ واشینگتنگه سفری ایران و امریکا ۱۳ کونلیک تۉقنهشوودن سۉنگ اۉز ارا هجوملرنی تۉختهتیب، مذاکرهلرنی قَیته باشلشگه تیار اېکنینی بیلدیرهیاتگن بیر پیتده عملگه آشماقده.
شونینگدېک، اوّلگی ۴۰ کونلیک اوروش دوریدن فرقلی روشده، امریکا و اسرایل ایرانگه قرشی بیرگهلیکده حرکت قیلگن بۉلسه، بو سفرگی ایران- امریکا ماجراسینینگ ینگی باسقیچیده اسرایل اشتراک اېتمهدی.
