طالبلر ایچکی ایشلر وزیرلیگی پکتیا ولایتی‌نینگ مرکزی گردیز شهریده اۉنلب کوزه‌توو کامره‌لرینی اۉرنه‌تگنینی معلوم قیلدی.
اوشبو وزیرلیک ترقه‌تگن بیاناتده ایتیلیشیچه، مذکور کامره‌لردن فایده‌لنیش بوگون (پنج‌شنبه، ۱۴ عقرب) محلي گروه مسووللری اشتراکیده‌گی مراسمده رسماً باشلنگن.
طالبلر مسووللری اوشبو کامره‌لر اۉرنه‌تیلیشینی «خوفسیزلیکنی تأمینلش همده احتمالي خوفسیزلیک و جنایي حادثه‌لرنینگ آلدینی آلیش یۉلیده‌گی مهم قدم» دېب بهاله‌گن.
اولر گردیز شهری اهالیسیدن خوفسیزلیکنی تأمینلش باره‌سیده همکارلیک قیلیشنی سۉره‌گن.
طالبار بوندن آلدین هم مملکت نینگ تورلی شهرلریده، جمله‌دن، کابلده مینگلب کوزه‌توو کامره‌لرینی اۉرنه‌تگن.
طالبلر رسميلری اوشبو کامره‌لرنی اۉرنه‌تیشدن مقصد خوفسیزلیکنی تأمینلش اېکنینی تأکیدله‌سه-ده، بو کامره‌لر آرقه‌لی فقرالرنینگ شخصي حیاتی دخلسیزلیگی بوزیلیشی ممکنلیگی یوزه‌سیدن کېنگ خواطرلر موجود.
