ایراننینگ فارس اخبارات آژانسی خبر بېریشیچه، امریکانینگ قشم آرالیگه اویوشتیرگن هجومیده تورر جای محلهسی نشانگه آلینگن و بیر عایله نینگ اوچ اعضاسی اۉلدیریلگن.
فارس هرمزگان طبیات فنلری بیلیم یورتیگه تهیهنیب یازیشیچه، هجوم بوگون (پنجشنبه، ۸-اسد) تانگده قشم شهرینینگ «چاهتنگو» محلهسیده صادر بۉلگن.
خبرگه کۉره، امریکا هجومی عاقبتیده آته، آنه و ایکّی یاشلی باله هلاک بۉلگن. عایله نینگ یېتّی و تۉقّیز یاشلی ینه ایکّی فرزندی اېسه جراحت آلگن.
بیراق امریکا مرکزي قوماندانلیگی سنتکام بوگون تانگده ایران اسلام انقلابی قۉریقچیلری بیلن باغلیق اۉنلب حربي نشانلرگه ضربه بېرگنینی معلوم قیلگن.
ایران یېتکرمهلر شونینگدېک، کیش و ابوموسیآراللریده، شونینگدېک اهواز، آبادان، شادگان، اروندکنار و نوراباد شهرلریده هم بیر نېچه پارتلشلر یوز بېرگنی حقیده خبر بېرگن.
