«افغانستان ملي قرشیلیک جبهه‌سی» سیاسي اداره‌سی باشلیغی عبدالله خنجانی، طالبلر پنجشیرنی اۉزیگه قرشی اېنگ کتّه استراتژیک تهدید دېب بیلیشینی و پنجشیرلیک بۉلیشنی «سیاسي جنایت» صفتیده کۉره‌یاتگنینی ایتدی.
خنجانی بوگون (سه‌شنبه، ۲۸-میزان) ایکس اجتماعي ترماغیده نشر قیلگن بیاناتیده طالبلر پنجشیر ولایتی اهالیسینی اۉلدیریشده هېچ قنده‌ی «تاریخي احتیاطکارلیک و وطنپرورلیک منفعتلری»نی حسابگه آلمه‌یاتگنینی ایتدی.
او شونده‌ی دېگن: «بوگونگی طالبلر پنجشیرنی اۉزی اوچون اېنگ کتّه استراتژیک تهدید دېب بیله‌دی. شو بیلن بیرگه، طالبلر پنجشیرلیک بۉلیشنی سیاسي جنایت صفتیده کۉرماقده و پنجشیرلیکلرنی اوییده، تاغ و دشتلریده اۉلدیریشده هېچ قنده‌ی تاریخي احتیاطکارلیک و وطنپرورلیک منفعتلرینی حسابگه آلمه‌یپتی.»
«افغانستان ملي قرشیلیک جبهه‌سی» سیاسي اداره‌سی باشلیغی طالبلر پنجشیرده ۷۰۰ ته حربي پُسته قورگنی و هر بیر پُستده ۳۰–۴۰ حربي جایلشتیریلگنینی قۉشیمچه قیلدی. اونینگ ایتیشیچه، طالبلر کوچلری پنجشیرده شونده‌ی جایلشتیریلگنکی، هر بیر پُسته باشقه پُسته نینگ کۉریش مصافه‌سیده جایلشگن.
اونینگ سۉزلریگه کۉره، پنجشیرده‌گی طالبلر حربيلری‌نینگ سانی بو گروه‌نینگ پاکستان بیلن چېگره‌ده‌گی پُسته‌لریده‌گی کوچلردن «ایکّی برابر» کۉپ.
خنجاني طالبلر پنجشیرده قریب ۳۰ مینگ نفر کوچگه اېگه اېکنینی و اولرنینگ مطلق اکثریتی افغانستان جَنوبیده یشاوچیلر اېکنینی ایتگن.
خنجاني طالبلرنینگ پنجشیرگه نسبتاً حربي باسیمینی «افغانستان تاریخیده ینگی عداوت‌نینگ باشلنیشی» دېب اته‌ب، مملکت تاریخیده هېچ بیر حدود بونده‌ی درجه‌ده حربيلشتیریلمه‌گن، نظارت قیلینمه‌گن و باستیریلمه‌گنینی ایتدی.
عبدالله خنجاني پنجشیرده کوچلر‌نینگ بونده‌ی جایلشتیریلیشی طالبلرنینگ حربي اوستوار یۉنه‌لیشینی هم کۉرسه‌تیشینی تأکیدله‌دی.
«افغانستان ملي قرشیلیک جبهه‌سی» سیاسي اداره‌سی باشلیغی طالبلرنینگ بو حرکتلری «سیاسي و حربي حساب-کتاب»گه اېگه بۉلیشیدن آگاهلنتیردی.
جمهوریت حکومتی اغدریلیب، طالبان کابلنی اېگه‌لله‌گنیدن سۉنگ، سابق حکومت‌نینگ بیر قطار سیاسي عملدارلری و حربيلری پنجشیرده جایلشیب، طالبلرگه قرشی قرشیلیکنی باشله‌گن اېدی. اما طالبان کېنگ کۉلملی هجوملر آرقه‌لی اوّل ولایت مرکزینی، کېین اېسه پنجشیر نینگ برچه واديلرینی اېگه‌لله‌دی. ضمن اۉلدیرگنینی تن آلگن اېدی.
