پاکستان نینگ «الفلاح» بانکی اۉز دارایلرینی «غضنفر بانک»که ساتیش آرقه‌لی ییگیرمه ییللیک فعالیتیدن سۉنگ افغانستاننی تۉلیق ترک اېتگنینی اعلان قیلدی.
«دان» گزیته‌سی نینگ خبر بېریشیچه، مذکور بانک سهمدارلری یوبارگن بیاناتیده اوشبو بیتیم اۉتگن پنج‌شنبه (۱۴ عقرب) یکوني کېلیشوو حجتلری امضالنگنی، افغانستان و پاکستان مرکزي بانکلری نینگ راضیلیگی آلینگنی همده باشقه ضروري شرطلر بجریلگنیدن سۉنگ یکونلنگنینی بیلدیرگن.
«الفلاح» بانکی نینگ معلوم قیلیشیچه، پاکستان و افغانستان اوشبو بیتیمنی معقوله‌گن همده بانککه اۉز دارایلرینی «غضنفر بانک»که ساتیش و تاپشیریشگه رخصت بېرگن.
پاکستان نینگ «الفلاح» بانکی ۲۰۰۵-ییلده کابل شهریده اۉز نماینده‌لیگی آچیش آرقه‌لی افغانستانده‌گی فعالیتینی باشله‌گن اېدی. بانک مزاجلرگه عنعنوي بانک خدمتلری بیلن بیر قطارده «اسلامي بانک خدمتلری»نی هم تکلیف قیلگن. شونینگدېک، اونینگ مملکت غربیده‌گی هرات ولایتیده هم نماینده‌لیگی فعالیت یوریتگن.
