۲۹ میزان، اۉزبېک تیلی ملي کونی مناسبتی بیلن محفل دوشنبه کونی، ۲۷ میزان، توشتدن آلدین فاریاب ولایتیده کېنگ نشانلندی. محفل‌ده یازووچیلر، شاعرلر، استادلر، مدنیت فعاللری، طلبه‌لر، اۉقووچیلر و یاشلر کېنگ اشتراک اېتدی.
محفل دوامیده سۉزگه چیققنلر ۲۹ میزان کونی‌نینگ اهمیتی، اۉزبېک تیلی و ادبیاتی‌نینگ افغانستانده‌گی اۉرنی همده اونینگ اۉزبېک خلقی‌نینگ مدني و ادبي اۉزلیگینی سقلشده‌گی رۉلی حقیده سۉز یوریتدیلر.
شونینگدېک، گویرگنلر اۉزبېک تیلینی رواجلنتیریش و کېنگه‌یتیریش، مدني فعالیتلرنی کوچه‌یتیریش همده اۉزبېک خلقی‌نینگ مدني و ادبي میراثینی تنیشتیریش اوچون بونده‌ی مدني-ادبي تدبیرلرنی اۉتکزیش مهم‌لیگینی تأکیدله‌دیلر.
محفل دوامیده فا یابده‌گی خصوصي مکتبلرنینگ ترانه جماعه‌لری اۉزبېک تیلیده‌گی ترانه‌لرینی اجرا اېتیب، دستور نینگ مدني و بدیعي قِسمینی ینه‌ده باییتدیلر. شونینگدېک، بیر گروه شاعر و مدنی فعاللر اۉزبېک تیلی ملي کونی مناسبتی بیلن یازگن شعرلرینی ییغیلگنلرگه اۉقیب بېردیلر.
تدبیرنینگ ینه بیر قِسمیده محلي طعاملر و عنعنوي لباسلر نمایش اېتیلدی. اشتراکچیلر فاریاب خلقی نینگ مدنیتی و عنعنه‌لری‌نینگ بیر قِسمی بیلن یقیندن تنیشیش امکانیگه اېگه بۉلدیلر.
توشدن سونگ اېسه ملي سپورت تورلریدن بیری — پهلوانلیک کوره‌شی بۉییچه مسابقه تشکیل اېتیلدی. اوشبو سپورت دستوری هم اشتراکچیلر و محلي اهالی‌نینگ کتّه قیزیقیشی بیلن کوتیب آلیندی.
تدبیر تشکیلاتچیلری اۉزبېک تیلی ملي کونینی نشانلش آنه تیلینی، ادبیات، مدنیت و افغانستان اۉزبېک خلقی‌نینگ بای مدني میراثینی اسره‌ب-اوه‌یلش اوچون مهم امکانیت اېکنینی تأکیدله‌دیلر.
