ایران تشقی ایشلر وزیری عباس عراقچي‌نینگ ایتیشیچه، ایران و روسيه افغانستان مسأله‌لری بۉییچه عمومي فکرگه اېگه.
ایران تشقی ایشلر وزیری بو حقده بوگون (دوشنبه، ۲۷-میزان) تهران‌ده روسيه تشقی ایشلر وزیری سرگئی لاوروف بیلن اۉتکزگن قۉشمه مطبوعات انجمنیده معلوم قیلدی.
او: «بیز افغانستان مسأله‌لری، کابل و اسلام آباد اۉرته‌سیده‌گی کېسکینلیکنی کمه‌یتیریش همده تروریستیک تهدیدلرگه قرشی کوره‌شیش باره‌سیده بیر خیل فکرده‌میز»، دېدی.
اېران و روسيه طالبلر افغانستانده حاکمیتنی قَیته قۉلگه کیریتگنیدن سۉنگ، بو گروه بیلن کېنگ سیاسي و اقتصادي علاقه‌لرنی یۉلگه قۉیگن. بیراق حاضرده روسيه طالبان حکومتینی رسماً تن آلگن دنیاده‌گی یگانه دولت حسابلنه‌دی، ایران اېسه حاضرچه بونده‌ی قدم تشلشگه تیار اېمس.
بوندن تشقری، هر ایکّی دولت رسميلری افغانستانده تروریستیک گروهلرنینگ موجودلیگیدن بیر نېچه بار خواطر بیلدیرگن. طالبان اېسه افغانستانده بونده‌ی گروهلر موجودلیگینی انکار اېتیب کېله‌دی.
