کانادا حکومتی «وقتینچه‌لیک و فوق العاده» دستور دایره‌سیده ۲۰۲۷-ییل آخریگچه اوشبو مملکتده یشه‌یاتگن کۉپی بیلن ۲۰۰ مینگ کیشی نینگ یشش مقامینی دایمي یشش مقامیگه اۉزگرتیریش امکانیتینی یره‌تیشینی معلوم قیلدی.
«کانادا مهاجرلر قاچقینلر و شهروندلیک اداره‌سی» پنج‌شنبه کونی (۱۵ عقرب) نشر قیلگن بیاناتیده اوشبو دستور مملکت ایچیده یشه‌یاتگن ایکّی اساسي گروهنی، یعنی «ایشچیلر» همده «انسانپرورلیک و عایله‌وي اساسده‌گی عریضه‌لری کۉریب چیقیله‌یاتگن شخصلر»نی قمره‌ب آلیشینی بیلدیرگن.
کانادا مهاجرلر قاچقینلر و شهروندلیک اداره‌سی نینگ معلوم قیلیشیچه، ایشچیلر آره‌سیدن ۱۰۰ مینگ کیشی ولایت نامزادلیگی دستوری ایالتلر نامزدلیگی برنامه‌سی آرقه‌لی دایمي یشش حقوقینی آلیش اوچون طلبلریگه جواب بېرگن شخصلر بۉله‌دی.
شونینگدېک، استارتاپ ویزه‌سی، اۉزینی اۉزی ایش بیلن تأمینله‌گن شخصلر، قیشلاق خۉجه‌لیگی و آزیق-طعام صناعتی همده اوی شرایطیده پرورشلش دستورلری کبی اَیریم اقتصادي مهاجرتلر دستورلری بۉییچه عریضه‌لری حلی کۉریب چیقیله‌یاتگن شخصلر و اولر نینگ عایله اعضالری هم اوشبو امکانیتدن فایده‌لنیشی ممکن.
ینه ۱۰۰ مینگته انسانپرورلیک و عایله‌وي اساسده‌گی طایفه‌لر اوچون اجره‌تیلگن. بو طایفه‌گه کانادا فقرالری یاکه دایمي یشش حقوقیگه اېگه شخصلر نینگ تورموش اۉرتاقلری، حیاتي شریکلری و قره‌ماغیده‌گی فرزندلری کیره‌دی. اولر دایمي یشش اوچون عریضه تاپشیرگن و یکوني قرارنی کوتماقده.
بوندن تشقری، هنگ‌کنگ وطنداشلری نینگ کۉریب چیقیلمه‌ی قالگن عریضه‌لری همده اوکراین‌دن بۉلگن و عایله‌لرنی بیرلشتیریش بۉییچه مخصوص دستورلر آرقه‌لی مراجعت قیلگن شخصلر نینگ عریضه‌لری هم اوشبو امکانیت دایره‌سیگه کیریتیله‌دی.
دایمي یشش اوچون بېرگن عریضه‌لری دستلبکی باسقیچده معقوللنگن انسانپرورلیک طایفه‌سیده‌گی طلبگارلر هم اوشبو دستوردن فایده‌لنیشلری ممکن.
کانادا مهاجرت، قاچقینلر و شهروندلیک اداره‌سی‌اوشبو چاره مملکت نینگ عادتي مهاجرت دستورلریدن فرق قیلیشینی تأکیدله‌گن.
مذکور دستور ینگی عریضه‌لر تاپشیریش اوچون عمومي یۉل حسابلنمه‌یدی. او بیر مرته‌لیک ترتیبده عملگه آشیریله‌دی و قۉشیمچه کواته‌لر ۲۰۲۷-ییلده معین طایفه‌ده‌گی عریضه‌لرنی تېزراق کۉریب چیقیشگه یۉنه‌لتیریله‌دی.
افغانستانلیک باش‌پناه ایزلاوچیلر هم بېلگیلنگن شرطلرگه جواب بېرگن تقدیرده اوشبو دستورگه کیریتیلیشی ممکن. خصوصاً، کاناده «حمایه آستیده‌گی شخص» مقامینی آلگن یاکه انسانپرورلیک اساسیده‌گی عریضه‌لری دستلبکی باسقیچده معقوللنگن افغانستانلیک مهاجرلر اوشبو امکانیتدن فایده‌لنیشلری ممکن.
