لغمان ولایتیده‌گی منبعلرنینگ معلوم قیلیشیچه، الینگار اولسواللیگیده تۉی مراسمی وقتیده هواگه اۉق اوزیلیشی عاقبتیده ایکّی اېرکک هلاک بۉلگن، ایکّی عیال اېسه یره‌لنگن.
منبعلرنینگ ایتیشیچه، اوشبو حادثه تیناوون (جمعه، ۱۵ عقرب) الینگار اولسواللیگی‌نینگ «پریانی» منطقه‌سیده صادر بۉلگن.
طالبلرنینگ لغمان ولایتی امنیه قوماندانلیگی مطبوعات سوزلاوچیسی محمد یونس یوسفزي هم اوشبو حادثه یوز بېرگنینی تصدیقلب، هلاک بۉلگن اېرککلر اکه-اوکه بۉلگنینی ایتگن.
یوسفزي آتیشمه قنده‌ی صادر بۉلگنی حقیده باتفصیل معلومات بېرمه‌گن و حادثه یوزه‌سیدن تېرگاو باشلنگنینی بیلدیرگن.
بونده‌ی حالتلر اوّل هم صادر بۉلگن. مذکور حادثه طالبلر قورال آلیب یوریش اوستیدن قتّيق نظارت اۉرنه‌تگن، اوشبو گروه جنگریلریدن تشقری فقرالرگه قورال آلیب یوریشگه رخصت بېریلمه‌یاتگن بیر پیتده یوز بېرگن.
