«طالبلرنینگ افغانشتانلیک شخصلر بیلن علاقه کمیسیونی» افغانستان ملي بیرلیک حکومتی اجرائیه کېنگشی رئیسی نینگ اۉرین‌باسری انجیر محمدخان رحماني ایراندن مملکتگه قَیتگنینی معلوم قیلدی.
انجنیر محمدخان ۲۰۱۴ییلده بۉلیب اۉتگن جمهورلیک سیلاولریده عبدالله عبدالله نینگ سیلاوآلدی جماعه‌سیده جمهور رئیس اۉرین‌باسریلیککه نامزاد بۉلگن. سیلاولردن سۉنگ «ملي بیرلیک حکومتی» توزیلیب، اجرائیه کېنگشی تشکیل اېتیلگچ، او مذکور اداره‌ده عبدالله عبدالله نینگ اۉرین‌باسری لوازمینی اېگه‌لله‌گن.
اوشبو کمیسیون بوگون (شنبه، ۱۶ عقرب) نشر قیلگن بیاناتیده انجنیر محمدخان افغانستانگه قَیتگنیدن خورسند اېکنینی بیلدیرگنی و کمیسیونگه منّتدارلیک اظهار قیلگنینی ایتگن.
او غزنی ولایتیده توغیلگن بۉلیب، افغانستان ملي کېنگشی‌نینگ ۱۵ دوریده اوشبو ولایتدن وکیللر نماینده‌سی اعضاسی بۉلگن.
محمدخان کېینگی پارلمان سیلاولریده کابل ولایتیدن نامزادینی ایلگری سورگن، بیراق وکیللر اعضاسیگه سه‌یلنه آلمه‌گن. شونینگدېک، اونینگ گُلبدالدین حکمتیار رهبرلیگیده‌گی افغانستان اسلام حزبیگه اعضالیک تاریخی هم بار.
