پاکستاننینگ سابق باش وزیری عمران خان تیناوون کېچقورون طبي یاردم آلیش اوچون اسلام اباددهگی شفاخانهگه آلیب کېتیلگنیدن سۉنگ ینه قماقخانهگه قَیتریلگن.
رویترز آژانسینینگ خبر بېریشیچه، پاکستاننینگ بیر رسميسی بوگون (چهارشنبه، ۲۰عقرب) عمران خان راولپیندیدهگی «آدیاله» قماقخانهسیده سقلنهیاتگنینی، «پاکستان طبیات فنلری انستیتوتی»ده اېسه اونینگ کۉزلری طبي کۉریکدن اۉتکزیلگنینی ایتگن.
اونینگ قۉشیمچه قیلیشیچه، خانده قان باسیمی بیلن باغلیق معمالر هم بۉلگن. «کېچه تونده اونگه ضرور معالجهلر کۉرسهتیلدی و حاضر او قماقخانهدهگی اتاقیگه قَیتریلدی»، دېگن رسمي.
بو جاري ییل نینگ اگوست آییدن بویان عمران خان نینگ ایلک بار شفاخانهگه آلیب باریلیشیدیر. اۉشنده اونینگ شفاخانهده بۉلیشی مدتیدن آلدین یکونلنگن اېدی.
عمران خان ۲۰۲۲-ییلده حاکمیتدن چېتلهتیلگنیدن سۉنگ، بیر قطار فسادگه عاید عیبلاولرگه دوچ کېلگن و اوچ ییلدن بویان قماقده سقلنماقده.
