قزیلمه‌ یاقیلغیلر بۉییچه‌ کېلیشماوچیلیک: بیرشلگن ملتلر تشکیلاتی اقلیم ییغینی کېلیشووسیز یکونلندی

اطلاعات روز
Photo: @turkiyecop31

بیرلشگن ملتلر تشکیلاتی‌نینگ ۳۱-اقلیم ییغیلیشی (کوپ ۳۱) قزیلمه‌ یاقیلغیلرنی باسقیچمه-باسقیچ بېکار قیلیش مسأله‌سیده‌گی کېلیشماوچیلیکلر همده‌ اروپا اتفاقی و باشقه‌ اَیریم دولتلرنینگ تورکيه و آسترلیا تامانیدن تیارلنگن یکوني کېلیشوو لایحه‌سیگه قرشی چیقیشی آرتیدن موفقیتسیزلیککه اوچره‌دی و هېچ قنده‌ی کېلیشووسیز یکونلندی.

اروپا اتفاقی و باشقه‌ مخالف تامانلر یکوني متن گلوبل ایسیشگه قرشی کوره‌شنی ایلگری سوریش اوچون جوده‌ ضعیف اېکنینی تأکیدله‌گن.

اوشبو ییغینگه رئیسلیک قیلگن تورکيه وکیلی «مراد کوروم» یکوني یلپی مجلسده تۉرتته لایحه‌ رد اېتیلگنیدن سۉنگ هېچ قنده‌ی کېلیشووگه اېریشیلمه‌گنینی و ینگی متن هم تقدیم اېتیلمسلیگینی ایتگن.

رویترز خبریگه کۉره‌، او: «بیزنینگ قۉلیمیزدن باشقه‌ هېچ نرسه‌ کېلمه‌یدی. امکانیتیمیز باریچه برچه‌ ایشنی قیلدیک. بوندن کېین ینگی متن بۉلمه‌یدی»، دېگن.

آسترلیا تامانیدن ییغینگه هم‌رئیشلیک قیلگن «کریس بوون» بو نتیجه‌نی «جوده‌ امیدسیزلیککه سالووچی» دېب اته‌گن و یاقیلغی مسأله‌سی همده‌ اقلیمنی مالیه‌لشتیریش باره‌سیده‌گی کېلیشماوچیلیکلر کېلیشووگه اېریشیلمسلیگی‌نینگ اساسي سببی بۉلگنینی بیلدیرگن.

ایرلند اطراف-محیط وزیری «دارا اوبراین» اروپا اتفاقی تکلیف اېتیلگن کېلیشوونی قۉللب-قوّتله‌ی آلمه‌سلیگینی ایتگن. اونینگ تأکیدلشیچه، بونگه سببلرنینگ بیری حجتده گلوبل ایسیش‌نینگ اساسي عاملی حسابلنگن قزیلمه‌ یاقیلغیلر حقیده هېچ قنده‌ی معلومات بېریلمه‌گنیدیر.

او: «قزیلمه‌ یاقیلغیلر یاکه اولردن واز کېچیشگه اۉتیش حقیده هېچ قنده‌ی معلومات بۉلمه‌گن اقلیم حجتی نینگ موجودلیگی قبول قیلیب بۉلمه‌یدیگن حالت»، دېگن.

رویترز کوزه‌تووچیلرگه ته‌یه‌نیب یازیشیچه، سعوديه عربستانی و باشقه‌ ییریک نفت ایشلب چیقرووچی دولتلر کېلیشوو متنیده قزیلمه‌ یاقیلغیلر تیلگه آلینمسلیگی اوچون کېنگ کۉلملی لاببیچیلیک فعالیتینی آلیب بارگن.

پانا هم اقلیم بحرانی‌نینگ کېنگ کۉلملری و دالضربلیگی یېترلیچه یاریتیلمه‌گنی سببلی اوشبو متننی قۉللب-قوّتله‌ی آلمه‌سلیگینی بیلدیرگن.

بلجیم اقلیم وزیریژان-لوک کروک هم کېلیشووگه اېریشیلمه‌گنی قیین، اما تۉغری نتیجه‌ بۉلگنینی ایتگن.

او: «بو کۉپ تامانله‌مه همکارلیک نینگ توگه‌گنینی انگله‌تمه‌یدی، بیراق «یۉق» دېییش اوچون جسارت بۉلیشی کېره‌ک»، دېیه قۉشیمچه‌ قیلگن.

انتالیا شهریده سیاسي بیانات بۉییچه‌ کېلیشووگه اېریشیلمه‌گنی خلق‌ارا سعی-حرکتلرنی کوچه‌یتیریش یۉلیده‌گی ایشلرگه ضربه‌ بۉلسه-ده، بو حالت بیرلشگن ملتلر تشکیلاتی‌نینگ اوّلگی کنفراسلریده قبول قیلینگن مجبوريتلرنی بېکار قیلمه‌یدی. شونینگدېک، اقلیم اۉزگریشیگه قرشی کۉپ تامانله‌مه کوره‌شنی ترتیبگه سالووچی تخنیکي و حقوقي میکانیزملرگه هم تأثیر کۉرسه‌تمه‌یدی.

بیرلشگن ملتلر تشکیلاتی‌نینگ اقلیم بۉییچه‌ مذاکره‌لریده برچه‌ تامانلرنینگ راضیلیگی بیلن کېلیشوو قبول قیلینمه‌گن سۉنگگی حالت ۲۰۰۹-ییلده کپنهاگده بۉلیب اۉتگن کنفراسگه تۉغری کېله‌دی.

جاري ییلگی بیرلشگن ملتلر تشکلاتی اقلیم ییغینی بیرلشگن ملتلر تشیکیلاتی اطراف-محیط دستوری شو ییل اکتوبر آییده گلوبل حرارت نینگ آشیشی ۱.۵ درجه‌ سېلسي چېگره‌سیدن آشیب کېتیشینی تأکیدله‌گنیدن کېینگی ایلک ییغین حسابلنه‌دی. دولتلر بوندن اۉن ییلدن کۉپراق وقت آلدین پاریسده بۉلیب اۉتگن اقلیم مذاکره‌لریده اوشبو چېگره‌دن آشیب کېتمسلیک اوچون حرکت قیلیشگه کېلیشیب آلگن اېدی. چونکه‌ بو چېگره‌دن آشیش جدّي اقلیم عاقبتلرینی ینه‌ده کوچه‌یتیره‌دی.

بمت نینگ ۳۱- اقلیم ییغینی قریب ایکّی هفته‌ اوّل تورکيه و آسترلیانینگ هم‌رئیشلیگیده تورکيه‌‌نینگ انتالیا شهریده باشلنگن اېدی. بېلگیلنگن مدتدن ایکّی کون کۉپراق دوام اېتگن اوشبو ییغین هېچ قنده‌ی نتیجه‌سیز یکونلندی و بمت تاریخیده‌گی اېنگ اوزاق دوام اېتگن اقلیم ییغینیگه ایلندی.

از روزنامه‌نگاری مستقل حمایت کنید

محدودیت‌های گسترده بر رسانه‌ها و فضای عمومی در افغانستان، دسترسی شهروندان به اطلاعات مستقل را محدود کرده است. در چنین شرایطی، «اطلاعات روز» متعهدانه و مستقل به کار خود ادامه می‌دهد تا حقیقت قربانی خاموشی و فراموشی نشود.

ما وابسته به هیچ قدرتی نیستیم و تنها برای مردم می‌نویسیم.

مأموریت ما افشای فساد، بازتاب صدای سرکوب‌شدگان، تقویت پاسخگویی صاحبان قدرت، و پشتیبانی از چشم‌اندازی است که در آن همه شهروندان افغانستان از حقوق و آزادی‌های برابر برخوردار باشند و در صلح زندگی کنند.

خبرنگاران ما در شرایط دشوار و گاه خطرناک فعالیت می‌کنند تا گزارش‌های دقیق، منصفانه و مبتنی بر واقعیت منتشر شود و روایت‌های مردم به حاشیه رانده نشود. تداوم این کار، به حمایت مخاطبان و حامیان مستقل وابسته است.

هر کمک، فارغ از میزان آن، به ادامه روزنامه‌نگاری مستقل کمک می‌کند. اگر امکان کمک مالی ندارید، همرسانی این درخواست و تشویق دیگران به حمایت نیز سهمی مهم در تقویت این مسیر دارد.

در کنار حقیقت بایستید
از اطلاعات روز حمایت کنید

برای حمایت اینجا کلیک کنید
بو مقاله نی اوله شینگ
بدون دیدگاه