پاکستان: طالبلر تن آلینمه‌گنی سبب اسلام آبادده بۉلیب اۉتگن اقتصادي همکارلیک تشکیلاتی ییغینیگه چقیریلمه‌دی

اطلاعات روز
Photo: @ForeignOfficePk

پاکستان تشقی ایشلر وزیرلیگی اوشبو مملکت افغانستان‌نینگ عملده‌گی حکومتینی رسماً تن آلمه‌گنی سبب طالبلرنی اسلام آبادده بۉلیب اۉتگن اقتصادي همکارلیک تشکیلاتی (اکو) وزیرلر کېنگشی ییغیلیشیگه دعوت قیلمه‌گنینی معلوم قیلدی.

پاکستان تشقی ایشلر وزیرلیگی مطبوعات سوزلاوچیسی‌ سجاد حیدرخان بوگون (جمعه‌، ۲۹ عقرب) هفته‌لیک مطبوعات انجمنیده شونده‌ی دېدی: «اکو تشکیلاتی‌نینگ ترتیب-قاعده‌لریگه کۉره‌، وزیرلر ییغیلیشیده اشتراک اېتیش مېزبان دولت.نینگ اختیاریگه باغلیق. پاکستان افغانستان‌نینگ عملده‌گی حکومتینی تن آلمه‌گنی سبب، اسلام آباد ده بۉلیب اۉتگن وزیرلر کېنگشی ییغیلیشیده اشتراک اېتیش اوچون افغانستانگه دعوت یوباریلمه‌دی».

او، شونینگدېک، افغانستان‌نینگ اکو تشکیلاتیده‌گی اعضالیگی توخته‌تیب قۉییلگنینی ایتدی، بیراق بو نینگ انیق سنه‌سینی بیلمسلیگینی قۉشیمچه‌ قیلدی.

پاکستان تشقی ایشلر وزیرلیگی مطبوعات سوزلاوچیسی‌ دسامبر آییده تهرانده بۉلیب اۉته‌دیگن اکو دولت رهبرلری ییغینیگه طالبلر تکلیف اېتیلگنی حقیده‌گی مسأله‌گه توخته‌لر اېکن، اَیریم دولتلر اولرنی تکلیف قیله‌یاتگنینی، اما بو مطلقا باشقه‌ مسأله‌ اېکنینی تأکیدله‌دی.

اونینگ ایتیشیچه، پاکستان افغانستان اۉزی و قۉشنی دولتلر بیلن تینچ-تاتوو یشه‌یدیگن همده‌ اقتصادي همکارلیک تشکیلاتی دایره‌سیگه قَیته انتیگراسیون‌لشه آله‌دیگن مملکت بۉلیشینی ایسته‌یدی.

سجاد حیدرخان‌نینگ قۉشیمچه‌ قیلیشیچه، بونینگ اوچون افغانستانده‌گی طالبلر رسميلری منطقه‌ده تینچلیک، برقرارلیک و برقرار ترقیاتنی تأمینلش یۉلیده قۉشنی دولتلرنینگ قانوني خوفسیزلیک تشویشلریگه، خصوصاً، افغانستان حدودیدن کېلیب چیقه‌یاتگن تروریزم تهدیدیگه مناسبت بیلدیریشی کېره‌ک.

اونینگ تأکیدلشیچه، افغانستان‌ده طالبلرنینگ ترورچیلیک فعالیتیگه امکان یره‌تیشیدن فقط پاکستان اېمس، بلکه‌ منطقه‌‌نینگ باشقه‌ دولتلری هم جدّي خواطرده.

پاکستان تشقی ایشلر وزیرلیگی مطبوعات سوزلاوچیسی‌ اوشبو خواطرلرگه برهم بېریلگنیدن سۉنگ، افغانستان اکوگه اعضا دولتلر صفیده فعال و تشبثکار اعضا صفتیده تۉله‌قانلی اشتراک اېته آلیشیگه ایشانچ بیلدیردی.

اقتصادي همکارلیک تشکیلاتی (اکو) وزیرلر کېنگشی نینگ ۳۰-ییغیلیشی شو هفته‌‌نینگ یکشنبه‌ و دوشنبه‌ کونلری اسلام آباد ده افغانستان وکیلیسیز اۉتکزیلدی. ییغیلیشده طالبان بیراغی اۉرنیگه افغانستان‌نینگ اوچ رنگلی بیراغی اۉرنه‌تیلگن اېدی.

طالبلر تشقی ایشلر وزیرلیگی‌نینگ ایکّینچی سیاسي اداره‌سی باشلیغی ذاکر جلالی اوشبو گروه نینگ اکو وزیرلر کېنگشی ییغیلیشیگه تکلیف اېتیلمه‌گنیگه مناسبت بیلدیرر اېکن، «افغانستان اشتراکیسیز مضمونلی منطقوي همکارلیکنی تصور قیلیش خام خیالدیر»، دېدی.

اونینگ قۉشیمچه‌ قیلیشیچه، طالبان وکیلی اۉتگن ییلی آذربایجانده بۉلیب اۉتگن اکو ییغیلیشیگه دعوت اېتیلگن. شونینگدېک، گروه دسامبر آییده تهرانده اۉتکزیله‌دیگن تشکیلات‌نینگ نوبتده‌گی دولت رهبرلری ییغینیگه هم دعوت قیلینگن.

از روزنامه‌نگاری مستقل حمایت کنید

محدودیت‌های گسترده بر رسانه‌ها و فضای عمومی در افغانستان، دسترسی شهروندان به اطلاعات مستقل را محدود کرده است. در چنین شرایطی، «اطلاعات روز» متعهدانه و مستقل به کار خود ادامه می‌دهد تا حقیقت قربانی خاموشی و فراموشی نشود.

ما وابسته به هیچ قدرتی نیستیم و تنها برای مردم می‌نویسیم.

مأموریت ما افشای فساد، بازتاب صدای سرکوب‌شدگان، تقویت پاسخگویی صاحبان قدرت، و پشتیبانی از چشم‌اندازی است که در آن همه شهروندان افغانستان از حقوق و آزادی‌های برابر برخوردار باشند و در صلح زندگی کنند.

خبرنگاران ما در شرایط دشوار و گاه خطرناک فعالیت می‌کنند تا گزارش‌های دقیق، منصفانه و مبتنی بر واقعیت منتشر شود و روایت‌های مردم به حاشیه رانده نشود. تداوم این کار، به حمایت مخاطبان و حامیان مستقل وابسته است.

هر کمک، فارغ از میزان آن، به ادامه روزنامه‌نگاری مستقل کمک می‌کند. اگر امکان کمک مالی ندارید، همرسانی این درخواست و تشویق دیگران به حمایت نیز سهمی مهم در تقویت این مسیر دارد.

در کنار حقیقت بایستید
از اطلاعات روز حمایت کنید

برای حمایت اینجا کلیک کنید
بو مقاله نی اوله شینگ
بدون دیدگاه