ایران تشقی ایشلر وزیری اۉرینباسری کاظم غریبآبادی امریکا کېلیشوودهگی برچه مجبوريتلرینی بوزگنینی و اېندیلیکده «اسلام آباد کېلیشوو» دېگن حجت عملده موجود اېمسلیگینی ایتدی.
او امریکا تامانیدن ایران نینگ دېنگیز قملی قَیته باشلنگنی و حربي تۉقنهشوولر دوام اېتهیاتگن بیر پیتده، کېلیشوونینگ حقوقي اساسلری و میکانیزملری بوتونلهی برباد بۉلگنینی، شو سببلی ایران هم اېندی اۉزینی هېچ قندهی مجبوريت بیلن باغلیق دېب حسابلهمسلیگینی تأکیدلهدی.
غریبآبادي یاش ژورنالیستلر کلوپیگه بېرگن مصاحبهسیده شوندهی دېدی: «اېندی گپیرهدیگن هېچ قندهی شرطنامه قالمهدی. امریکا اونی بوتونلهی برباد قیلیش اوچون ضرور بۉلگن برچه ایشلرنی عملگه آشیردی. هېچ بیر دولت ایراندن اوشبو کېلیشوو بۉییچه اۉز مجبوريتلرینی بجریشنی کوتمسلیگی کېرهک.»
اقش مرکزي قوماندانلیگی سنتکام بوگون اېرتهلب ایران نینگ جَنوبي بندرلریگه نسبتاً دېنگیز قملی قَیته باشلنگنینی معلوم قیلگن اېدی.
دېنگیز قملی نینگ بیرینچی باسقیچی 24-حملدن 28-جوزاگچه ایکّی آیدن آرتیق دوام اېتگن. کېینچهلیک ایران و امریکا جمهور رییسلری مسعود پزشکيان همده دونالد ترامپ امضالهگن «اسلام آباد کېلیشووی» اساسیده قمل بېکار قیلینگن و هرمز بۉغازی قَیته آچیلگن اېدی.
