اندی برنام، منچسترنینگ سابق شاروالی و مکرفیلد بۉلگهسیدن بریتانیا پارلمانی وکیلی، کییر استارمرنینگ اۉرنیگه کارگر حزبی یېتکچیسی اېتیب سیلندی و بویوک بریتانيا نینگ ینگی باش وزیری بۉلهدی.
برنام بوگون (جمعه، ۲۶-سرطان) بویوک بریتانيا پارلمانیدهگی کارگر حزبی نینگ۳۷۹ کیشی وکیلنی قۉللب-قوّتلشی بیلن حزب رهبرلیگینی قۉلگه کیریتدی.
او کېلهسی دوشنبه، ۲۹-سرطان کونی بویوک بریتانيا نینگ ینگی باش وزیری صفتیده اۉز وظیفهسینی باشلشی رېجهلشتیریلگن.
حزب یېتکچیسی اېتیب تصدیقلنگنیدن سۉنگ قیلگن نطقیده برنام شوندهی دېدی:
«مېن تیارمن. حزبگه رهبرلیک قیلیشگه و کییر استارمر یرهتگن پایدېوار اساسیده یۉلنی دوام اېتتیریشگه تیارمن.»
او استارمر فعالیتینی حمایه قیلیب، اونینگ رهبرلیگی آستیده گارگر حزبی «اېنگ یامان سیلاو مغلوبیتی»دن «اېنگ ییریک سیلاو غلبهسی»گه اېریشگنینی تأکیدلهدی.
کارگر حزبی۱۴ییل مخالفتده بۉلگنیدن سۉنگ، ۲۰۲۴-ییلده استارمر رهبرلیگیده ینه حاکمیتگه قَیتگن اېدی.
بیراق استارمر تخمیناً بیر آی اوّل کارگر حزبی رهبرلیگی و بویوک بریتانيا باش وزیری لوازمیدن استعفا بېرگن.
استارمر نینگ اۉرنینی اېگهلهیاتگن اېندی برنام اوّل منچستر شاروالی بۉلیب ایشلهگن. او بیر آی اوّل میکرفیلد بۉلگهسی بۉییچه اۉتکزیلگن قۉشیمچه سیلاوده بویوک بریتانيا پارلمانیگه وکیل اېتیب سیلنگن.
سۉنگگی اۉن ییل ایچیده استارمر بویوک بریتانياده لوازمینی ترک اېتگن آلتینچی باش وزیر بۉلدی.
