دایکندی ولایتیدهگی منبعلرنینگ ایتیشیچه، طالبلر استخباراتی تونده «صدای قریه» رادیوسی ادارهسیگه باستیریب کیریب، ژورنالیستلرنینگ تیلفونلری و کامپیوترلرینی تېکشیرگن.
بیر منبع نینگ اطلاعات روزگه ایتیشیچه، یکشنبه آقشامی (۲۸-سرطان) ساعت تخمینا۱۰:۳۰۰ده طالبلر استخباراتینینگ۲۰ نفر خادیمی نیلی شهریدهگی «صدای قریه» رادیوسی ادارهسیگه کیرگن. طالبلرنینگ اوشبو ایشدن مقصدی نیمهلیگی حاضرچه نامعلوم.
منبعگه کۉره، اۉتگن هفته جمعه کونی هم طالبلر استخباراتی سنگتخت و بندر اولسواللیکلریده اوشبو رادیوگه علاقهدار ایکّی ژورنالیستنی حبسگه آلیب، بېش ساعتدن کېین آزاد قیلگن.
«صدای قریه» رادیوسی دایکندی مرکزیده فعالیت یوریتهیاتگن یگانه خصوصي عامهوي اخبارات واسطهسی حسابلنهدی.
منبعلرنینگ تأکیدلشیچه، طالبلر دایکندیده یېتکرمه و ژورنالیستلر فعالیتیگه قطعي چېکلاولر جاري قیلگن.
اۉتگن ییلی دایکندیدهگی نسیم رادیوسی مسوول محرری و ژورنالیستلری طالبلر استخباراتی تامانیدن حبسگه آلینگنیدن سۉنگ اۉز فعالیتینی تۉختهتگن اېدی.
افغانستان بۉیلب عامهوي اخبارات واسطهلری طالبلرنینگ سانسور و باسیمی آستیده فعالیت یوریتماقده. کۉپلب خصوصي یېتکرمهلر اېسه طالبلر ترغیبات واسطهسیگه ایلنگن.
