طالبلرنینگ نورستان ولایتیدهگی محلي رسميلرینینگ معلوم قیلیشیچه، اوشبو ولایتده یوز بېرگن کوچلی سېل عاقبتیده کمیده آلتی کیشی جان بېرگن ینه۶۰ کیشی بېدرَک یۉقالگن.
طالبلر ولایت حاکمی مطبوعات سۉزلاوچیسی فریدون صمیمنینگ ایتیشیچه، سېل بوگون (دوشنبه، ۲۹-سرطان) ساعت تخمیناً۳:۰۰ده نورستان مرکزی پارون شهرینی قاپلهگن.
اونینگ سۉزلریگه کۉره، سېل نتیجهسیده پارون شهر حاکملیگی بناسی، بیر نېچته مهمانخانه، مابیل علاقه شرکتی ادارهسی، باغلر، کۉپریکلر و تورر جایلرگه ضرر یېتگن. دستلبکی حساب-کتابلرگه کۉره، اهالیگه کمیده۳۵ میلیون امریکا دالری مقداریده ضرر یېتکزیلگن.
حاضرچه طبيعي آفت عاقبتیدهگی قربانلر سانی تۉلیق انیقلنمهگن. رسميلر هلاک بۉلگنلر سانی ینه آرتیشی ممکنلیگینی بیلدیرماقده.
