طالبلر نظارتیدهگی افغانستان طبيعي آفتلرگه قرشی کورهش ملي ادارهسینینگ معلوم قیلیشیچه، نورستان ولایتی مرکزی پارون شهریده یوز بېرگن کوچلی سېل عاقبتیده کمیده۲۰ کیشی جان بېرگن۸۰ کیشی جراحتلنگن.
اداره مطبوعات سۉزلاوچیسی محمد یوسف حماد بوگون (دوشنبه،۲۹-سرطان) کېچقورون بېرگن بیاناتیده، سېل عاقبتیده ۱۰۰ نفردن آرتیق کیشی بېدرَک یۉقالگنینی هم بیلدیردی.
آلدینراق طالبلرنینگ نورستان ولایتی حاکملیگی پارون شهری حاکمی و اونینگ بیر نېچه قۉریقچیسی هم بېدرَک یۉقالگنلر آرهسیده اېکنینی معلوم قیلگن اېدی.
ولایت حاکمی مطبوعات سۉزلاوچیسی فریدون صمیم نینگ ایتیشیچه، سېل شهر حاکملیگی بناسی، دوکانلر، تورر جایلر، مبایل علاقه ترماقلری ادارهلری و کۉپریکلرگه ضرر یېتکزگن. دستلبکی حساب-کتابلرگه کۉره، مادّي ضرر کمیده۳۶ میلیون امریکا دالرینی تشکیل اېتهدی.
طالبلر رسميلری قربانلر و تلفاتلر حقیدهگی معلوماتلر دستلبکی اېکنینی، اولرنینگ سانی ینه آرتیشی ممکنلیگینی بیلدیرماقده.
بوگون ساعت تخمیناً۳:۰۰ ده پارون شهری و اونینگ اطرافیدهگی قیشلاقلرده کوچلی یاغینگرچیلیک کوزهتیلیب، ویرانکار سېل یوزهگه کېلگن.
