امریکا قۉشمه ایالتلرینینگ جمهور رییسی دونالد ترامپ ایران هر مرته بیر امریکالیک عسکرنی اۉلدیرسه، بو نینگ عوضیگه بیر نېچه برابر آغیر جواب آلیشینی ایتدی.
ترامپ بوگون کېچقورون (دوشنبه،۲۹سرطان) تروث سوشیال ترماغیده یازیشیچه، بو بویروق مدافعه وزیری پیت هگست، امریکا قوراللی کوچلری بیرلشگن شتب باشلیقلری کمیتهسی رئیسی دنیل کین همده برچه حربي قوماندانلر و رهبرلرگه یېتکزیلگن.
امریکا مرکزي قوماندانلیگی (سنتکام) ایکّی کون آلدین ایراننینگ اردنگه اویوشتیرگن راکت و درون هجوملری عاقبتیده ایکّی امریکالیک عسکر هلاک بۉلگنی، ینه بیر عسکر بېدرَک یۉقالگنینی تصدیقلهگن اېدی.
سنتکام شونینگدېک، ایران نینگ عراق شِمالیدهگی هجوملریده ینه بیر امریکالیک عسکر هلاک بۉلگنینی هم معلوم قیلگن.
امریکا بیلن ماجرا قَیته اوج آلگنیدن بویان ایران بیر نېچه بار امریکانینگ اردندهگی حربي پایگاهلریگه هجوم قیلگن.
ایران بحرین و کویتدهگی امریکا پایگاهلرینی هم نشانگه آلگن، بیراق حاضرچه بو ایکّی دولتدهگی هجوملر عاقبتیده قربانلر حقیده خبر بېریلمهگن.
امریکانینگ ایرانگه اویوشتیرگن هجوملری عاقبتیده اېسه ایران اوردوسی و قوراللی کوچلرینینگ بیر قطار اعضالری، شونینگدېک، تینچ اهالی وکیللری هم هلاک بۉلگن.
