طالبلر تشقی ایشلر وزیرلیگی یمندهگی حوثيلرنینگ قیزیل دېنگیزدهگی بابالمندب بۉغازیده سعوديه عربستانینینگ نفت تانکرلریگه اویوشتیرگن هجومینی قارهلهدی.
طالبلر تشقی ایشلر وزیرلیگی مطبوعات سۉزلاوچیسی عبدالقهار بلخي عرب تیلیده اعلان قیلگن بیاناتیده خلق ارا دېنگیز یۉللرینی حمایه قیلیش، کېمهلر قتناوی اېرکینلیگینی تأمینلش، خلقارا سودا نینگ اوزلوکسیز دوام اېتیشی همده هر قندهی تهدید و تۉسیقلرنینگ آلدینی آلیش ضرورلیگینی تأکیدلهدی.
اونینگ ایتیشیچه، طالبلر ماجرا تامانلرینی وزمینلیککه چقیرهدی و کېسکینلیکنی کوچهیتیریشی ممکن بۉلگن هر قندهی حرکتدن تيیلیشگه اوندهیدی.
شونینگدېک، طالبلر تامانلردن نزاعلرنی تینچ یۉل و ملاقات آرقهلی حل قیلیشنی همده شو یۉل بیلن منطقهده خوفسیزلیک و برقرارلیکنی مستحکملشگه حصه قۉشیشنی سۉردی.
یمن حوثيلری سعوديه عربستانیگه قرشی دېنگیز قملینی اعلان قیلگنیدن سۉنگ قیزیل دېنگیزده اوشبو مملکتنینگ ایکّی نفت تانکریگه هجوم اویوشتیردی.
مذکور هجوم منطقه دولتلرینینگ کېنگ عکسالعمللریگه سبب بۉلدی و اولرنینگ اکثریتی بو حرکتنی قارهلهدی. حوثيلرنینگ سعوديه عربستانیگه قرشی دېنگیز قملینی اعلان قیلیشی همده ایران تامانیدن هرمز بۉغازینینگ یاپیق قالیشی عاقبتیده جهان بازاریده نفت نرخی ینه بیر بشکه اوچون۱۰۰ امریکا دالریدن آشدی.
