طالبلرنینگ هرات ولایتی والیسی مطبوعات ادارهسی هراتدن ایلک بار فایدهلی قزیلمه تاشی یوکینینگ امریکا قۉشمه ایالتلریگه صادر قیلینگنینی معلوم قیلدی.
والی مطبوعات ادارهسی بوگون، چهارشنبه (۷اسد) نشر قیلگن بیاناتده، مذکور یوک خصوصي کمپنی تامانیدن جۉنهتیلگنی ایتیلگن.
زنده جان اولسواللیگی کانلردن قزیب آلینگن قاره مرمر تاشی یوکینینگ قیمتی ۱۰۰ مینگ امریکا دالریگه بهالنگن. اساسن بېزهک ایشلری اوچون قۉللنیلهدیگن اوشبو قاره مرمر کانی هرات ولایتی نینگ زنده جان اولسواللیگی انجیرهک منطقهسیده جایلشگن.
سۉنگّی ایکّی ییل ایچیده غزنی ولایتینینگ مالستان اولسواللیگیدن آق مرمر و تراورتن تاشلرینی آسترلياگه صادر قیلیش هم یۉلگه قۉییلگن.
۱۳۹۳هجري قویاشي ییلده افغانستان سابق جمهوریت حکومتی مملکت نینگ تورلی حدودلریده ۴۵خیل رنگدهگی مرمرگه اېگه ۳۵ته مرمر کانی انیقلنگنینی معلوم قیلگن اېدی. اۉشنده اوشبو کانلر نینگ عمومي ذخیرهسی۹ میلیارد تُندن آرتیق، تخمیني قیمتی اېسه ۲۰۰میلیارد امریکا دالریدن زیاد اېکنی بیلدیریلگن.
