افغانستان خبرچیلر مرکزینینگ معلوم قیلیشیچه، افغانستانلیک خبرچی بشیر هاتیف طالبلرنینگ بگرام قماقخانهسیده بیر ییل سقلنگنیدن سۉنگ آزاد اېتیلگن.
مرکز چهارشنبه کونی (۷اسد) خبردار منبعگه تهیهنیب، بشیر هاتف آزادلیککه چیققچ، کابلدهگی عایلهسی بغریگه قَیتگنینی معلوم قیلدی.
افغانستان ژورنالیستلر مرکزی اونینگ آزاد اېتیلگنینی آلقیشلر اېکن، بشیر هاتفنینگ عدالتلی محکمه حقوقی بوزیلگنینی و او عموماً آزادلیکدن محروم قیلینمسلیگی کېرهکلیگینی تأکیدلهدی.
مرکز بیاناتیگه کۉره، طالبلرنینگ استخبارات خدمتی همده «امر به معروف و نهي از منکر» ادارهسی ۱۴۰۴-ییل۲-اسدده بشیر هاتفنی کابلده «انتیوی» جاپان خبرچیسی شکیب احمد نظری و توانا اخبارات اگېنتلیگی باشلیغی ابوذر صارم سرپلی بیلن بیرگه حبسگه آلگن.
بیاناتده ایتیلیشیچه، شکیب احمد نظری و ابوذر صارم سرپلی هنوز طالبان قماقخانهسیده قالماقده و حکم مدتینی اۉتهماقده.
افغانستان خبرچیلر مرکزی بشیر هاتفنی مملکت نینگ تجربهلی ژورنالیستلریدن بیری صفتیده تعریفلب، اونینگ محلي یېتکرمه لرده فعالیت یوریتگنی، ژورنالیستلر علاقه و تعلیم مرکزی اساسچیسی و اجراچی رهبری همده ژورنالیستلیک تشکیلاتلری فدراسیونی رهبریتی اعضاسی بۉلگنینی قید اېتدی.
مرکز معلوماتیگه کۉره، بشیر هاتف طالبلر استخباراتی نینگ حربي محکمهسی تامانیدن «طالبان توزومیگه قرشی ترغیبات آلیب باریش» عیبی بیلن بیر ییلگه آزادلیکدن محروم اېتیلگن اېدی.
افغانستان خبرچیلر مرکزی طالباندن ژورنالیستلر حقوقلرینی حرمت قیلیشنی، قماقده سقلنهیاتگن باشقه ژورنالیستلر و یېتکرمه خادملرینی هم تېز آرهده آزاد اېتیشنی همده اولرنینگ تهدید، باسیم و حبسگه آلیش قۉرقوویسیز اېرکین فعالیت یوریتیشیگه امکان یرهتیشنی سۉرهدی.
