خلق ارا مهاجرت تشکیلاتی ایرانگه ناقانوني یۉل آرقهلی کېتهیاتگن پیتده جان بېرگن ۱۹ نفر افغانستان وطنداشی فاجعهسیدن چوقور قیغوده اېکنینی بیلدیردی.
تشکیلات بوگون (شنبه، ۱۰-اسد) ایکس اجتماعي ترماغیدهگی بیاناتیده هلاک بۉلگنلرنینگ عایله اعضالریگه همدردلیک اظهار اېتدی.
شونینگدیک تشکیلات بیاناتیده شوندهی دېییلهدی: «مهاجرت یۉللریده هر بیر انسان نینگ حیاتدن کۉز یومیشی چوقور فاجعهدیر.»
تخمیناً ایکّی هفته اوّل ایرانگه ناقانوني یۉل بیلن اۉتماقچی بۉلگن۱۹ نفر افغانستان وطنداشیدن عبارت گروه نیمروز ولایتی چۉللریده بېدرَک یۉقالگن اېدی.
اولرنینگ بېش نفرینینگ جسدی 25-سرطان کونی مارگو چۉلیدن تاپیلگن، قالگن۱۴ نفرینینگ جسدی اېسه اۉتگن هفته آخریده نیمروزدهگی لالو قوملی حدودیدن انیقلنگن.
افغانستانده قشّاقلیک و ایشسیزلیک نینگ کوچهییشی، شونینگدېک، ایران ویزهلرینی عادتي ترتیبده بېریش جریانی نینگ تۉختشی کۉپلب یاشلرنی ایش ایزلب ناقانوني و خوفلی یۉللر آرقهلی ایرانگه باریشگه مجبور قیلماقده.
بوندن اوّل هم ایرانگه ناقانوني یۉل آلگن افغانستان وطنداشلرینینگ هلاک بۉلیشی بیلن باغلیق کۉپلب حادثهلر قید اېتیلگن.
