کنر ولایتی نینگ نورگل اولسواللیگیده کوچلی یاغینگرچیلیک عاقبتیده یوزهگه کېلگن سوو تاشقینلری نتیجهسیده ایکّی کیشی جان بېرگن و محلي اهالیگه کتّه مادّي ضرر یېتدی.
محلي منبعلرگه کۉره، سوو تاشقینلری تیناوون (دوشنبه، 12 اسد) توشدن کېین نورگل تومنی مزار درهسیدهگی «سهیل تنگی» حدودیده یوز بېرگن.
منبعلرنینگ قۉشیمچه قیلیشیچه، سوو تاشقینلری عاقبتیده مزار درهسیدهگی زلزلهدن جبرلنگنلر اوچون تشکیل اېتیلگن وقتینچهلیک چادر هم ضرر کۉرگن.
طالبلرنینگ کنر ولایتی طبيعي آفتلرگه قرشی کورهش ریاستی هم سوو تاشقینلری عاقبتیده انسانلر هلاک بۉلگنی و محلي اهالیگه کتّه مادّي ضرر یېتگنینی تصدیقلهدی. بیراق اداره یېتکزیلگن ضرر مقداریگه انیقلیک کیریتمهدی.
سۉنگگی هفتهلرده افغانستان نینگ شرقي ولایتلریده کوچلی یاغاینگرچیلیکلر و سوو تاشقینلری تېز-تېز کوزهتیلماقده.
نیچه کون آلدین نورستان ولایتیده یوز بېرگن سوو تاشقینلری هم کتّه مادّي ضرر کېلتیردی.
افغانستان ایسّیق خانه گازلری چیقیندیلرینی ایشلب چیقریشده جوده کیچیک اولوشگه اېگه بۉلیشیگه قرهمهی، اقلیم اۉزگریشیدن اېنگ کۉپ ضرر کۉرهیاتگن دولتلردن بیری حسابلنهدی.
