افغانستاندهگی اروپا اتفاقی وکالتخانهسی مملکتده وترنرلیک خدمتلرینی مستحکملش، چاروا سلامتلیگینی یخشیلش، آزیق-طعام خوفسیزلیگینی آشیریش همده اقلیم اۉزگریشلریگه برداشلی تیریکچیلیک منبعلرینی یرهتیش اوچون ۱۱ میلیون یورو اجرهتگنینی معلوم قیلدی.
نمایندهلیک بوگون (سهشنبه، ۱۳ اسد) ایکس اجتماعي ترماغیده نشر قیلگن بیاناتیده اوشبو یاردم «افغانستان وترنرلیک ایشچی کوچینی رواجلنتیریش سمپوزیویمی» دوامیده اعلان قیلینگنینی بیلدیردی.
اروپا اتفاقی وکالتخانهسی مذکور یاردم افغانستان نینگ ۱۷ ولایتیدهگی ۳۰۰ مینگ عایلهنی قمرهب آلیشینی معلوم قیلدی.
اوشبو مبلغ هالند نینگ افغانستان بۉییچه کمیتهسی آرقهلی عملگه آشیریلهدی.
سۉنگی ییللرده افغانستانده تورلی چاروا کسللیکلری کېنگ ترقهلیب، چاروادارلر نینگ حیاتی و تیریکچیلیگیگه سلبي تأثیر کۉرسهتماقده.
متخصصلر قورغاقچیلیک، اقلیم اۉزگریشی، چاروا ماللر نینگ چېگرهلر آرقهلی کۉچیریلیشی، وترنرلیک خدمتلری نینگ یېترلی درجهده و همه حدودلرده موجود اېمسلیگی همده اېملش قمراوی نینگ کمهییشینی اوشبو کسللیکلرنینگ ترقهلیشیگه سبب بۉلهیاتگن اساسي عامللر صفتیده کۉرستماقده.
