کندهار کې د طالبانو پولیسو د دې ماشوم هویت نه دی په ډاګه کړی، خو ویلي یې دي چې په دې تړوا یې یو تن مشکوک کس نیولی او پلټنې یې ترې روانې کړې دي.
د سرچینې په خبره، چې علي جان د کندهار ښار په «ښکاپر» دروازه کې د خوراکي توکو دوکان درلود او له څه مودې راهيسې يې له يوې کورنۍ سره حقوقي دعوه هم درلوده.
اغامحمد رودوال د ننګرهار د سوداګرۍ او پانګونې خونې د پانګونې مرستیال او سوداګر و او له کلونو را هیسې یې په افغانستان کې د سوداګرۍ په برخه کې فعالیتونه کول.
یوې سرچینې د نوم نه یادولو په شرط وویل، چې دغه کس د «موی» موسېسې کارګر و او د تېرې جمعې (۷ د تلې) په شپه د زرنج ښار په «معصوم آباد» سیمه کې وژل شوی دی.
د سرچينو د معلوماتو له مخې چې خليل اخلاقي د طالبانو له بياځلي واکمنیدو راهیسې په کور ناست و او د کندهار ښار لسمه حوزه کې یې ژوند کاوه.
د طالب پولیسو په خبره، د یاد ځوان هویت او خپلوان تر اوسه نه دي معلوم او جسد یې د شاولیکوټ ولسوالۍ مرکزي روغتیایي کلینیک ته وړل شوی دی.
ختیځ کې د طالبانو د خالد ابن ولید قول اردو ویاند مولوي وحید الله محمدي وژل شوی پوځي «بغاوتګر» او د «ملي مقاومت جبهې» کلیدي غړی ښودلی او په خبره یې، چې د طالبانو د استخباراتو ځواکونو دغه پخوانی پوځي د یوه کمین پرمهال په ډزو وژلی دی.
یوې باوري سرچینې د نوم نه یادولو په شرط وویل، چې یاد قوماندان تېره شپه (جمعه، ۲۱ د تلې) د خوږیاڼو ولسوالۍ په «مملې» سیمه کې وژل شوی دی.
په دې راپور کې د وژنو انګيزه د سرچينو له څرګندونو او معلوماتو سره سمه ارزول شوې. د سرچينو په وينا، د ډیری وژنو انګيزه معلومه نه وه او مرموزه بلل شوې ده. همدا راز د ځينو وژنو لامل دښمني، کورنی تاوتريخوالی، د ځمکې پر سر شخړه، وسلهوالې غلاوې او نښتې بلل شوي.
په دغه ولايت کې د طالبانو امنیې قومندانۍ مسوولينو ویلي، چې دغه ښوونکی تېره شپه (جمعه، ۲۴ د وږي) د محمد اغې ولسوالۍ اړوند په «برګ» سيمه کې وژل شوی دی.