د نازیانو ولسوالۍ یو اوسیدونکی وایي، اوس او هم یې د تېرو کلونو پر مهال د سیمي ډېر ځنګلونه په ناقانونه توګه وهل شوي چې نه یوازې طبیعت یې بدرنګه کړی بلکې د سیمي په موسم یې هم ناوړه اغیزې کړې دي.
کابل ته د طالبانو تر راتګ وروسته د افغانستان يو شمېر سياسي رهبران يو په بل پسې ترکيې، خليج، اروپايي هيوادونو او د نړۍ نورو ګوښو ته ولاړل او وروسته يې سياسي ائتلافونه جوړ کړل.
د وطني کبانو د فارمونو مسوولين وايي، په بازارونو کې د بهرني کبانو د غوښو خرڅلاو، د کبانو لپاره د مناسبې خوراکې نشتون او وچکالۍ له امله زيات شمېر فارمونه د تړل کېدو له ګواښ سره مخ دي.
عليشېر، تڼي، باک، صبري، دوه منده، اسماعېل خېل، سپېره او ځينې نورې د خوست هغه ولسوالۍ دي، چې پکې د ښوونځيو ډيری زده کوونکي د زده کړو برخه کې له ډېرو ستونزو سره مخ دي.
د ننګرهار د ټولګټو چارو ریاست مسوولین د کابل-جلال اباد دویم لین سړک په اړه وایي، چې دا ډول لويې او په نړیوالو لګښتونو تمویلېدوونکې پروژې بشپړول د دوی د وس کار نه دی.
ارزګان کې د طالبانو د پوهنې رياست مسوولين هم تاييدوي چې په دې ولايت کې په ښځينه ښوونځيو کې زده کوونکې د نورو ستونزو ترڅنګ د ښوونکو له کمښت سره مخ دي.
د یوه خیریه بنسټ مسوول وایي، چې د مرستو د ویش پرمهال د طالبانو له لوري اړ شوی چې یا په خپله ځایي طالبانو او یا یې خپلوانو ته مرستې ورکړي.
په پکتیا او پکتیکا کې طالبانو نه دي توانیدلي چې نیمګړې پروژې بشپړې او ګټې اخیستنې ته یې وسپاري، په داسې حال کې چې مسوولین یې د کافي عوایدو د راجمع کېدو خبره کوي.
سېلابونو په کامې ولسوالۍ کې د مولوي روح الله استوګنځای نه بلکې سلګونه نور کورونه هم ړنګ کړي او د ځایي اوسیدونکو په زرګونه جریبه کرنیزه ځمکه یې ولاړ فصلونه له منځه وړي دي.
ارزګان کې یو شمیر روغتیاپالان وايي، چې ځینې ډاکټران او درمل پلورونکي د خپلې ګټې لپاره یو له بل سره شریک شوي او خلکو ته خراب درمل ورکوي.