د اطلاعات روز د موندنو پر اساس، د طالبانو د واکمنۍ په تېر يوه کال کې د خپلسرو وژنو، ځانوژنې ته د ښځو او نجونو مجبورېدل، د ښځو زنداني کېدل او د هغوی شکنجه په بېمخينې توګه زيات شوي دي.
په اسنادو کې ویل شوي، چې افکو ته ورکړل شوې ځمکه هیڅ مالي بقایه نه لري. عبدالحمید هلمندی وايي، هغه دوه کسان، چې وړیا ځمکه ورکړل شوې، د کندهار د پخواني والي زلمي ویسا ماشومان دي. دا وروسته له هغه ترسره شو، کله چې هغه په کندهار ولایت کې د محمود کرزي په وړاندې شکایت ثبت کړ.
د لیندۍ په اتمه دفاع وزارت د ملي تدارکاتو کمېسیون له خوا د مسلخ دولتي شرکت سره د دوه قلمه غوښې قرارداد اړوند د دوو پرېکړه په اړه لیکي چې د کمېسیون د ۴۳۰۹ پرېکړې څېړنې لپاره، د پالیسۍ او سټراټیژۍ ادارې مسوولین له مسلخ څخه له لیدلو وروسته، د هغې توانایي یې تایید کړې ده.
د ولسمشرۍ ماڼۍ د چارو اداره کې د ولسمشر د ۱۱۱ حکمونو باندې له یو میلیارد او ۱۳۱ میلیون ډېرې افغانۍ مصرف شوې دي. دغې ادارې د پالیسۍ ۹۱ کوډ له لارې له ملي بودجې څخه تر ټولو زیات لګښت کړی دی. د دې ادارې له خوا د میلیونیزو لګښتونو بېلګې په لاندې ډول دي.
د پلټنې عالي ادارې په خپل راپور کې راوړي، چې مالیې وزارت د اصولنامې خلاف د دې پروژو د بودجې اجرا کولو لپاره په ۱۳۹۹ مالي کال کې بیاځلي بودجه ځانګړې کړې ده.
په یوې بله بېلګه کې، د ۱۳۹۸ل کال د جوزا د ۱۹مې د ۷۲۸ شمېرې د حکم له مخې، د ۹۱ پالیسي له کوډه له دوه میلیون او ۶۸۰ زره افغانیو څخه زیاتې پیسې، د سوداګرۍ په چارو کې د ولسمشر د سلاکارانو د اضافي بستونو د اوو میاشتو معاشونو او امتیازاتو لپاره ځانګړي شوي دي. همدارنګه د ۱۳۹۸ل کال د جوزا په ۱۹مه ولسمشر د ۷۲۹ شمېرې حکم کې، د خپلو څلورو مشاورینو د دفتر ۱۵ اضافي بستونو معاشونو او امتیازاتو ته د ۹۱ پالیسي له کوډ څخه له اوو میلیونو او ۱۰۰ زره افغانیو زیاتې پیسې منظور کړي دي. د پلټنې عالي ادارې راپور کې روښانه شوې نه ده، چې دغه بستونه د ولسمشر کومو مشاوریتونو اړوند دي.
عاصم اوسمهال اطلاعات روز ته وويل چې په ميدان وردک ولايت کې د کرونا له بوديجې حيف و ميل شوې پيسې له هغه زياتې دي، چې د بازرس ادارې په خپل رپوټ کې ويلي او د څارنوالي په څېړنه کې دي. هغه زياتوي چې په دې ولايت کې پېرل شوي نيمايي طبي وسايل دوهم لاس دي او تر اوسه يې له ځينو استفاده نه ده شوې.