خبرونه

مقاومت جبهې له ټولو «آزادي غوښتونکو او راتلونکي ته هیله مند» ځواکونو څخه غوښتي چې د طالبانو پر وړاندې یوه واحده جبهه پیاوړې کړي او د «خلکو او راتلونکو نسلونو» پر وړاندې خپل مسوولیت ادا کړي.

د خوړو نړیوال پروګرام د معلوماتو له مخې، په افغانستان کې به شاوخوا ۱۵.۸ میلیونه وګړي د خوراکي توکو د خوندیتوب له بحران او بېړنۍ کچې سره مخ شي.

محمد يعقوب مجاهد ادعا کړې ده چې پر افغانستان د طالبانو په بيا واکمنېدو سره په دې هيواد کې جګړه په بشپړه توګه ختمه شوې او سراسري امنيت ټينګ شوی دی.

اروپايي اتحاديې ويلي، په دې لړ کې چې يې د کډوالۍ له نړيوال سازمان سره کوم هوکړه‌ليک لاسليک کړی دی، په هغه کې د نجونو او ښځو پر اړتياوو ځانګړی تمرکز شوی دی.

ننګرهار کې د طالبانو سیمه‌يیز چارواکي خبر ورکوي چې د دې ولایت په بټي کوت ولسوالۍ کې د ورښتونو پر مهال د تندر غورځیدو له کبله یو کس مړ شوی دی.

ډيکر ليکلي: «موږ هره ورځ له دې بنديزونو سره خپل مخالفت ښيو. زه غواړم چې د افغانستان خلګ پوه شي چې په دې لار کې يوازې نه دي او موږ به هيڅکله هم د بدلون راوستلو لپاره له خپلو هڅو پر شا نشو.»

د بې سرحده خبريالانو د سويلي اسيا د څانګې مشرې سليا مرسيې د طالبانو دا اقدام د رسنيو په بې رحمه ځپنه کې «تنبيهي تصميمونه» بللي دي.

د ملګرو ملتونو ښځينه برخې نن پر ايکس په خپله پاڼه ليکلي، په داسې حال کې چې نړۍ په معلوماتي او ارتباطي ټکنالوژۍ کې د ښځو د زيات ګډون لپاره هڅې کوي، خو افغانستان د هغو ميليونونو نجونو د هيلو په هديره بدل شوی چې له ښوونځي پاتې دي.

خپرپاڼه کې راغلي، چې یاد ریاست د زیانمنو شویو مدرسو او ښوونځیو د بیا رغولو توان نه لري او له همکاره موسېساتو څخه یې غوښتنه کړې چې د دې ښوونیزو مرکزونو په جوړیدو کې ورسره مرسته وکړي.

د روانې اوونۍ په اوږدو کې د ننګرهار په مومندرې، لعلپورې او اچین ولسوالیو کې د ورته پېښو له امله درې ماشومانو خپل ژوند له لاسه ورکړی دی.