«افغانستان گان» خلقارا فیلم فستیوالینینگ ۱۱- دوری آسترلیانینگ آدلاید شهراۉیده پارلمان وکیللری، محلي آسترلیالیک عملدارلر، شونینگدېک، افغانستانلیک صنعتکارلر و فیلم ایجادکارلر اشتراکیده آچیلدی.
تشکیلاتچیلرنینگ ایتیشیچه، اوشبو فستیوال افغانستان فیلم (سینما)سی، صنعتی و حکایهلرینی تنیشتیریش همده تورلی مدنیتلر اۉرتهسیده علاقه اۉرنهتیش مقصدیده اۉتکزیلماقده.
فستیوال مسوولی فهیم هاشم آچیلیش مراسمیده فستیوال بوندن ۱۱ ییل اوّل «افغانستان حکایهلریگه آواز بېریش و فیلم (سینما) آرقهلی جمعیتلر اۉرتهسیده کۉپریک یرهتیش» آرزوسی بیلن باشلنگنینی ایتدی.
اونینگ قۉشیمچه قیلیشیچه، افغانستانده صنعت، فیلم (سینما)، عیاللر و تعلیمگه نسبتاً کوچلی چېکلاولر موجود بۉلیشیگه قرهمهی، افغانستانلیک فلیم (سینما)ایجادکارلر مملکت ایچیده و تشقریسیده همان اۉز خلقینینگ حکایهلرینی حکایه قیلیشده دوام اېتماقده.
جناب هاشم نینگ ایتیشیچه، اوشبو فستیوال افغانستاننی اوروش و کوندهلیک ینگیلیکلردن تشقریده نمایش اېتهدی؛ یعنی سېوگی، امید، قرشیلیک، مدنیت و حیات حکایهلریگه بای افغانستاننی کۉرسهتهدی.
او، شونینگدېک فستیوال آسترلیاده اجتماعي بیردملیکنی مستحکملشده مهم رۉل اۉینشینی ایتیب فیلم (سینما) ینگی کېلگنلر، کۉپمهدنيتلی جماعهلر و استرالیالیکلرنی بیرلشتیریشی همده ستېرېاتیپلرنی بوزیش آرقهلی اۉزارا تنیشوو و توشونیش اوچون زمین یرهتیشی ممکنلیگینی تأکیدلهدی.
اوشبو فستیوال ۳- اکتوبر کونی ببرآسترلیا نینگ سدنی شهریده آچیلیشی، سۉنگره اونینگ یاپیلیش مراسمی آسترلیانینگ میلبورن شهریده اۉتکزیلیشی رېجهلشتیریلگن.
