منبعلر نینگ پکتیکا ولایتیدن خبر بېریشیچه، بو ولایتده ایکّی علیحده واقعه‌ده بیر اېرکک و وایه‌گه یېتمه‌گن قیز اۉلدیریلگن.
سر روضه تومنیده‌گی بیر منبع جمعه کونی (۲۴ میزان) تخمیناً ۴۰ یاشلریده‌گی اېرکک‌نینگ چاپیب تشلنگن جسدی چۉل حدودیدن تاپیلگنینی تصدیقله‌دی. منبع‌نینگ ایتیشیچه، اونینگ قۉللری و بورنی کېسیب تشلنگن.
حاضرچه بو اېرکک‌نینگ شخصی و اونینگ قنده‌ی اۉلدیریلگنی نامعلوم.
وازیخوا اولسواللیگیده‌گی ینه بیر منبع‌نینگ ایتیشیچه، ایکّی عایله اۉرته‌سیده‌گی ماجرا آرتیدن وایه‌گه یېتمه‌گن بیر قیز هلاک بۉلگن.
منبعگه کۉره، ماجرا جمعه کونی چتری قیشلاغیده ایکّی عایله اۉرته‌سیده یوز بېرگن و تامانلردن بیری باشقه عایله‌‌نینگ اوییگه قره‌ته اۉق اوزگن.
حاضرچه پکتیکاده‌گی طالبلرنینگ محلي رسميلری اوشبو واقعه‌لر حقیده هېچ قنده‌ی معلومات بېرمه‌گن.
طالبلرنینگ مملکت بۉیلب خوفسیزلیک تأمینلنگنی حقیده‌گی دعوالریگه قره‌مه‌ی، قاتللیک کبی جنایتلر دوام اېتماقده. اوشبو جنایتلرنینگ سلماقلی قِسمینی قوراللنگن نامعلوم شخصلر تامانیدن صادر اېتیلگنی ایتیله‌یاتگن سِرلی قاتللیکلر تشکیل اېته‌دی.
