پاکستان‌نینگ افغانستان بۉییچه مخصوص نماینده‌سی محمد صادق، پاکستانده‌گی بیرلشگن ملتلر تشکیلاتی‌نینگ قاچقینلر بۉییچه عالي کمیسارلیگی نینگ ینگی وکیلی «نوریکو تاکاگی» بیلن اوچره‌شیب، مذاکره اۉتکزگنینی معلوم قیلدی.
او بوگون (چهارشنبه، ۱۳ عقرب) در ایکس اجتماعي ترماغیده نشر قیلگن پُستیده ایکّی تامان «افغانستانده‌گی انسان پرورلیک وضعیت، جایلرده موجود اساسي معمالر همده خلق‌ارا همکارلیکنی مستحکملش مهم‌لیگی یوزه‌سیدن فکر المشگنینی» یازگن.
پاکستان‌نینگ افغانستان بۉییچه مخصوص وکیلی اوشبو اوچره‌شوو حقیده باتفصیل معلومات بېرمه‌گن.
بیرلشگن ملتلر تشکیلاتی‌نینگ قاچقینلر بۉییچه عالي کمیسارلیگی نینگ پاکستانده‌گی نماینده‌لیگی هم حاضرگچه مذکور اوچره‌شوو یوزه‌سیدن ایضاح بېرمه‌گن.
سۉنگگی ییللرده افغانستانده‌گی انسان پرورلیک بحران ینه‌ده کوچه‌یگن. بونگه سبب بۉلگن عامللردن بیری صفتیده پاکستان و ایراندن افغان مهاجرلری‌نینگ مجبوري دېپورت قیلینیشی عاقبتیده‌گی باسیم کۉرسه‌تیلماقده.
بیرلشگن ملتلر تشکیلاتی‌نینگ معلوماتلریگه کۉره، ۲۰۲۳-ییلدن بویان پاکستان و ایراندن ۶.۵ میلیوندن آرتیق مهاجر افغانستانگه دېپورت قیلینگن. بو اېسه بحران گِردابیده قالگن مملکتده‌گی وضعیت نینگ ینه‌ده آغیرلشیشیگه سبب بۉلگن.
