طالبلرنینگ غزنی ولایتی امنیه قوماندانلیگی گیلان اولسواللیگیده۵۸۰ روسوملی یۉلاوچی موتر اغدریلیب کېتیشی عاقبتیده ایکّی اېرکک و بیر عیال جان بېرگن، ینه۲۶کیشی آغیر و یېنگیل یرهلنگن.
طالبلرنینگ غزنی ولایتی امنیه قوماندانلیگی سۉزلاوچیسی خالد سرحدينینگ ایتیشیچه، حادثه بوگون (یکشنبه،۲۱سرطان) اېرتهلب گیلان اولسواللیگینینگ «مطیعپل» منطقهسیده صادر بۉلگن.
اونینگ سۉزلریگه کۉره، ترافیک حادثهسیگه هیداوچی نینگ باشقروو وقتیده اوخلب قالیشی سبب بۉلگن.
خالد سرحدي نینگ قۉشیمچه قیلیشیچه، جراحتلنگنلر دوالنیش اوچون غزنی ولایت شفاخانهسیگه یېتکزیلگن. بیراق او اولرنینگ سلامتلیگی حقیده قۉشیمچه معلومات بېرمهگن.
سۉنگّی کونلرده مملکتنینگ تورلی ولایتلریده اۉلیم بیلن یکونلنگن ترافیک حادثهلری کۉپهیگن.
تیناوون ننگرهار و سمنگان ولایتلریده صادر بۉلگن ایکّی ترافیک حادثهسی عاقبتیده کمیده۱۲ کیشی جان بېرگن، ینه۱۵ کیشی جراحت آلگن اېدی.
متصدیلر بوندهی حادثهلرنینگ اساسي سببلری صفتیده هیداوچیلرنینگ احتیاطسیزلیگی، یۉللرنینگ یامان حالتی و یۉل بېلگیلری نینگ یېتیشمسلیگینی کۉرسهتماقده.
