طالبلرنینگ ننگرهار ولایتیدهگی محلي مسووللری علیحده حادثهلرده اوچ ییگیت سووده چۉمِیلیش پیتیده چۉکیب جان بېرگنینی معلوم قیلدی.
طالبلرنینگ ننگرهار اخبارات و مدنیت ادارهسی اطلاعات آمری قوریشي بدلوننینگ ایتیشیچه، بوگون (یکشنبه، ۲۱-سرطان) اېرتهلب جلال آباد شهرینینگ «هده کابل» منطقهسیدهگی سوو کانالیده نصیبالله اسملی ییگیت چۉکیب وفات اېتگن.
اونینگ قۉشیمچه قیلیشیچه، تیناوون هم جلال آباد شهرینینگ «بگرامی» و «کمپها» منطقهلریده سیفالله همده فیروز اسملی ایکّی ییگیت سووده چۉمِیلهیاتگن پیتده چۉکیب هلاک بۉلگن.
قوریشي بدلوننینگ سۉزلریگه کۉره، نصیبالله و سیفالله نینگ جسدی سوودن چیقریلگن، بیراق فیروزنینگ جسدی حلی هم تاپیلمهگن.
اونینگ ایتیشیچه، هلاک بۉلگن ییگیتلر ماس روشده ۱۵،۱۸و ۲۰یاشده بۉلگن.
جاري ییل دوامیده ننگرهار ولایتیده سووده چۉمِیلیش وقتیده یاشلرنینگ چۉکیب کېتیشی بیلن باغلیق بیر نېچه حادثه قید اېتیلگن.
بوندهی حادثهلر کۉپهیگنی آرتیدن ولایتنینگ بیر گروه یاشلری «ایسّیق سیزنی اۉلدیرمهیدی، دریا اۉلدیرهدی» شعاری آستیده خبردارلیک کمپاینی یۉلگه قۉییب، یاشلرنی دریالر و سوو کاناللریده چۉمِیلیب، اۉز حیاتلرینی خوف آستیگه قۉیمسلیککه چقیرگن.
