افغانستان سابق جمهور رییسی حامد کرزی مملکتده بالهلر اۉرتهسیده تۉییب آوقتلنمسلیک حالتلری آرتیب بارهیاتگنی حقیدهگی خبرلرگه مناسبت بیلدیریب، “بالهلر سلامتلیگینی، مملکتنینگ کېلهجک امیدی و انساني امکانیتی صفتیده اسرهش مسوول ادارهلر همده خلقارا تشکیلاتلردن بو خوفنینگ آلدینی آلیش و بالهلر سلامتلیگینی تأمینلشگه جدّي و هر تامانلهمه اعتبار قرهتیشنی طلب قیلهدی”.
کرزهی بوگون، چهارشنبه،۲۴-سرطان، ایکس اجتماعي ترماغیدهگی صحیفهسیده شوندهی یازدی: “اما بو خوفنی برطرف اېتیش نینگ اساسي شرطی – قیز و اۉغیل بالهلر همده برچه یاشلر اوچون عمومي تعلیم آلیش امکانیتینی یرهتیشدیر.”
اونینگ تأکیدلشیچه، عمومي تعلیم یۉلگه قۉییلیشی، اهالی سوادخوانلیگینینگ آشیشی و ملَکهلی متخصصلر تیارلنیشی نتیجهسیده سوادسیزلیک عاقبتیدهگی معمالر کمهیهدی، مملکت اقتصادیاتی یخشیلنهدی همده جمعیتنینگ احتیاج و معمالری خارجي یاردمگه محتاج بۉلمهگن حالده حل اېتیلهدی.
آلدینراق بیرلشگن ملتلر تشکیلاتینینگ بالهلر جمغرمهسی (یونیسف) اعلان قیلگن ینگی حساباتده افغانستانده۵ یاشگچه بۉلگن۳.۷میلیون باله اۉتکیر تۉییب آوقتلنمسلیک خوفی آستیده اېکنی قید اېتیلگن.
یونیسف معلوماتیگه کۉره، افغانستاننینگ۲۶ ولایتیده بالهلر آزیقلنیشی بیلن باغلیق وضعیت اۉتگن ییلگه نسبتاً یامانلشگن. تشکیلات بالهلر طعاملنیشینی حمایه قیلیش اوچون زودلیک بیلن سرمایه کیریتیشگه چقیرگن.
