ایران دولتی تامانیدن ایکّی نمایشچی دارگه تارتیلگندن سۉنگ، انسان حقوقلری تشکیلاتی «ههنگاو»اولردن بیری افغانستان یشاوچیسی بۉلگنینی معلوم قیلدی.
ایران حکومتی تیناوون تانگده (یکشنبه،۲۸سرطان) «عرفان اسفندیاری» و «گلمحمد محمدی»اسملی ایکّی کیشینی اصفهان نینگ دستگرد قماقخانهسیده دارگه اورگن.
ایران قضاییه قوهسی نینگ «میزان» اخبارات آژانسی اولرنی «اصفهان نینگ شهید علیخاني میدانیدهگی شفقتسیز جنایتلر» نینگ عیبدارلری صفتیده تنیشتیردی.
ههنگاو گزارشیده ایتیلیشیچه، 23 یاشلی گُل محمد محمدي افغانستان یشاوچیسی بۉلگن.
گزارشگه کۉره، محمدي و ایسفندياری اصفهاندهگی «میدان علیخانی ملکشهر» ایشی بۉییچه عیبلنگن. اوشبو ایش یوزهسیدن جمعی ۱۲ کیشیگه اۉلیم جزاسی چیقریلگنی قید اېتیلگن.
میزان اخبارات آژانسی اولر نینگ «امریکا- صهیونیستی تۉنتریش بیلن باغلیق زۉرآور ترتیبسیزلیکلر» همده «بسیج و مخصوص بۉلینمه نینگ تۉرت نفر خادیمینی یاقیب یوباریش و جسدلرینی بۉلهکلش»ده عیبدار دېب تاپیلگنینی یازگن.
ایران حکومتی حکملر «قانوني ترتیب-طعامیللر تۉلیق بجریلگن و عیبلنووچیلر نینگ وکیل مدافعلری اشتراکیده» اجرا اېتیلگنینی دعوا قیلماقده.
بیراق ههنگاو دعوالرنی انسان حقوقلری تشکیلاتلری رد اېتهیاتگنینی، محکمه جریانلری «اوچ مجلسدن عبارت کۉرسهتمه محکمهلری» شکلیده اۉتکزیلیشی همده عیبلنووچیلر مستقل وکیل مدافع خدمتیدن محروم اېتیلهیاتگنینی تأکیدلهگن.
ههنگاونینگ آگاهلنتیریشیچه، اوشبو قتل تۉلقینی باشلنیشی بیلن ینه 10 نفر یاش نینگ حیاتی هم بېواسطه خوف آستیده قالماقده.
