طالبلرگه قرشی کوچلر بیلن بدخشان ولایتیده یوز بېرگن تۉقنهشوولر حقیدهگی خبرلر آرتیدن افغانستان آزادلیک جبههسی سیاسي کمیتهسی باشلیغی داوود ناجي جبهه کوچلری طالبلر بیلن جنگ قیلهیاتگنینی تصدیقلهدی.
او ایکس اجتماعي ترماغیده نشر قیلگن پیامیده تۉقنهشوو تفصیلاتلری یقین آرهده نشر قیلینیشینی بیلدیردی.
ناجي شوندهی یازگن «آزادلیک اوچون حل قیلووچی کورهش ینگی باسقیچگه کیردی. بو کورشنینگ یکونی آزادلیک بۉلهدی و اونینگ حقیقي غالبی افغانستان خلقی بۉلهدی.»
بوگون اېرتهلب بدخشان ولایتینینگ زیباک اولسواللیگی تاغلی حدودلریده قوراللی تۉقنهشوولر دوام اېتهیاتگنی حقیده خبر بېریلگن اېدی.
طالبلر اعضالری هم اوشبو تۉقنهشوونی تصدیقلهدی. گروه وکیللری جنگلرده هلاک بۉلگنی دعوا قیلینگن اَیریم شخصلرنینگ صورتلرینی نشر قیلگن. باشقه تاماندن، طالبلرگه قرشی کوچلر بیلن بۉلگن جنگلرده طالبلرنینگ هم بیر نېچه اعضاسی هلاک بۉلگنی ایتیلماقده. اولرنینگ صورتلری هم اجتماعي ترماقلرده ترقهلگن.
