بیرلشگن ملتلر تشکیلاتینینگ باش کاتبی آنتونیو گوترش بوگون (شنبه،۳ اسد) هیئت باشچیلیگیده دَمشققه یېتیب باردی. او تشریف دوامیده سوريه نینگ مؤقت جمهور رییسی احمد شرع بیلن اوچرهشیشی رېجهلشتیریلگن.
سوريه نینگ دولت اخبارات آژانسی (سانا) خبریگه کۉره، بیرلشگن ملتلر تشکیلاتی باش کاتبینی دَمشق خلقارا قۉنالغهسیده سوريه تشقی ایشلر وزیری اسعد حسن شیبانی کوتیب آلگن.
بو سۉنگگی۱۷ ییل ایچیده بیرلشگن ملتلر تشکیلاتی باش کاتبینینگ سوريهگه عملگه آشیرگن ایلک تشریفی دیر.
بوندن آلدین بیرلشگن ملتلر تشکیلاتینینگ اۉشه پیتدهگی باش کاتبی بان کی مون۲۰۰۹ییلده سوريهگه تشریف بویورگن اېدی.
سابق جمهور رییس بشار اسد حاکمیتی اغدریلگونگه قدَر دوام اېتگن۱۴ ییللیک فقرالر اوروشی دوریده سوريه خلقارا میدانده یکّهلنیب قالگن اېدی.
بیرلشگن ملتلر تشکیلاتی باش کاتبی سۉزلاوچیسی استفان دوجاریک نینگ ایتیشیچه، گوترش اوشبو تشریف دوامیده سوريه اوروش و ماجرالر عاقبتلرینی برطرف اېتیش، شونینگدېک، برچه فقرالر اوچون ینهده برقرار و فراوان کېلهجک برپا اېتیش امکانیتیگه اېگه اېکنینی تأکیدلهیدی.
اونینگ معلوم قیلیشیچه، آنتونیو گوترشنینگ سوريهگه تشریفی اوچ کون دوام اېتهدی و شنبهدن دوشنبهگچه دوام اېتیشی رېجهلشتیریلگن.
