محلي منبعلرنینگ معلوم قیلیشیچه، سمنگان ولایتی مرکزیده نصرالله رسولی اسملی یاش ییگیت سِرلی طرزده اۉلدیریلگن.
طالبلرنینگ سمنگاندهگی امنیه قوماندانلیگی هم اوشبو قاتللیکنی تصدیقلب، رسولی جمعه کونیگه اۉتر کېچهسی (۲اسد) خوفسیزلیک نینگ ایکّینچی ناحیهسیده نامعلوم کیشی یاکه شخصلر تامانیدن بۉغیب اۉلدیریلگنینی معلوم قیلدی.
قوماندانلیک بیاناتیگه کۉره، مقتولنینگ جسدی قۉشیمچه تېکشیروولر اوچون سمنگان ولایت شفاخانهسیگه آلیب باریلگن.
طالبلر امنیه قوماندانلیگی قاتللیک سببی حاضرچه نامعلوم اېکنینی، جنایتنی صادر اېتگن شخص یاکه شخصلرنی انیقلش و قۉلگه آلیش بۉییچه تېرگاو دوام اېتهیاتگنینی بیلدیردی.
منبعلرگه کۉره، نصرالله رسولی آیبیک شهرینینگ دره زندان قیشلاغیده یشهگن.
او یقینده سمنگان ولایتی معارف ریاستیگه ایشگه کیرگن بۉلیب، شو بیلن بیرگه تیکووچیلیک بیلن هم شغللنگن.
