بیرلشگن ملتلر تشکیلاتینینگ انسان حقوقلری بۉییچه مخصوص گزارشگری ریچارد بنتنینگ ایتیشیچه، ایرانده یشهیاتگن افغانستانلیک مهاجرلر ایران و امریکا اۉرتهسیدهگی اوروشدن اېنگ کۉپ ضرر کۉرهیاتگن، اېنگ حمایهسیز قتلملردن بیریدیر.
بنت بوگون (شنبه،۳ اسد) ایکس اجتماعي ترماغیده نشر قیلگن پُستیده ایران و امریکا اۉرتهسیده اوروشنینگ قَیته باشلنیشینی قارهلب، افغانستان مهاجرلری اوشبو ماجرانینگ عاقبتلری حقیده گپ کېتگنده کۉپینچه اعتباردن چېتده قالهیاتگنینی تأکیدلهدی.
او، شونینگدېک، ایرانده افغانستان یشاوچیلرینینگ قتل اېتیلیشی دوام اېتهیاتگنیگه هم تۉختهلیب، بونی افسوسلنرلی حالت دېب اتهدی.
حاضرده ایرانده تخمیناً تۉرت میلیون افغانستانلیک مهاجر یشهیدی و اوشبو اوروش اولرنینگ حیاتیگه هم جدّي تأثیر کۉرسهتماقده.
شونگه قرهمهی، ایران ایچکی عامهوي اخبارات واسطهلری همده خلق ارا یېتکرمهلرده اوروشنینگ افغانستان مهاجرلری حیاتیگه تأثیری حقیده نسبتاً کم یاریتیلماقده.
