ایران تشقی ایشلر وزیری عباس عراقچی اوکرایننینگ خزر دېنگیزیده ایراننینگ سودا کېمهسیگه اویوشتیرگن هجومی، عاقبتده ایرانلیک بیر دېنگیزچی هلاک بۉلگنی جوابسیز قالمسلیگینی ایتدی.
ایران تشقی ایشلر وزیری بوگون (یکشنبه، ۴-اسد) ایکس اجتماعي ترماغیده شوندهی یازدی: «زلنسکي ایراننینگ سودا کېمهسیگه هجوم قیلدی و بیر دېنگیزچینی اۉلدیردی. بو بیرلشگن ملتلر تشکیلاتی نظامینی آچیقدن-آچیق بوزووچی حرکت بۉلیب، اسرایلنینگ اروپانی اۉز اوروشیگه تارتیش مقصدیدهگی گیجگیجلشی بیلن عملگه آشیریلگن.»
عراقچینینگ قۉشیمچه قیلیشیچه: «اروپا اتفاقینینگ تشقی سیاست بۉییچه عالي وکیلی کایا کالاس و روسيه تشقی ایشلر وزیری سرگئی لاوروف بیلن بۉلگن ملاقاتلریمده کییف جایلشگن بو فرصت پرستنینگ حرکتی جوابسیز قالمسلیگینی تأکیدلهدیم.»
اوکراین جمهور رییسی والادیمیر زلنسکي کېچه مملکتی کوچلری خزر دېنگیزیده ایرانگه علاقهدار حربي یوکلرنی تشياتگن روسيه کېمهلرینی نشانگه آلگنینی معلوم قیلگن اېدی.
او، شونینگدېک، خزر دېنگیزیده روسيهنینگ بیر حربي کېمهسی هم ضربه آستیگه آلینگنینی ایتگن.
