منبعلر بدخشان ولایتیده طالبلرنینگ اخبارات و مدنیت باشلیغی ذبیحالله امیری قوراللی هجوم نتیجهسیده هلاک بۉلگنینی تصدیقلهدی.
منبعلرگه کۉره، هجوم بوگون، سهشنبه، ۶-اسد، فیض آباد-بهارک یۉلیده صادر بۉلگن.
اولرنینگ ایتیشیچه، موترسیکلده مینیلگن قوراللی شخصلر امیری تامان اۉق اوزیب، اونی واقعه جاییده اۉلدیرگن.
طالبلرنینگ بدخشاندهگی محلي رسميلری حاضرچه بو حادثه یوزهسیدن هېچ قندهی بیانات بېرمهگن.
مذکور سوءِقصد اوچون حاضرچه هېچ بیر شخص یاکه گروه جوابگرلیکنی اۉز ذمّهسیگه آلمهگن.
بو هجوم بدخشان ولایتیده سۉنگگی پیتلرده طالبلرگه قرشی قوراللی مخالف گروهلر فعاللیگی کوچهیگن بیر وقتده صادر بۉلدی. اوّلگی شونگه اۉخشش اَیریم سوءِقصدلر اوچون اېسه عادتده داعش جوابگرلیکنی اۉز ذمّهسیگه آلگن اېدی.
