طالبلرنینگ حج و اوقاف وزیری نور محمد ثاقبنینگ ایتیشیچه، جاري ییلده افغانستان حج زیارتچیلرینینگ عمومي خرجتلری۷میلیارد۷۲۳میلیون ۷۴۱ مینگ ۵۸۳افغانينی تشکیل اېتگن.
او بوگون (۷اسد) کابلده اۉتکزیلگن مطبوعات انجمنیده معلوم قیلیشیچه، حج زیارتچیلریدن جمعی۷ میلیارد ۸۱۸میلیون ۳۰۷ مینگ ۲۰۰ افغاني ییغیلگن. شوندن ۹۴ میلیون۵۶۵ مینگ ۶۱۶افغاني صرفلنمهی قالگن.
وزیرنینگ سۉزلریگه کۉره، قالگن مبلغ زیارتچیلر اۉرتهسیده تقسیملنهدی و هر بیر زیارتچیگه۳ مینگ ۲۲۳افغانيدن قَیتریب بېریلهدی.
اونینگ ایتیشیچه، حج زیارتچیلری کېلهسی شنبه کونیدن باشلب کابلدهگی حج وزیرلیگی یاکه اونینگ ولایتلردهگی ریاستلریگه مراجعت قیلیب، اۉز اولوشلرینی آلیشلری ممکن.
جاري ییلده افغانستاندن۳۰ مینگ زیارتچیسی حج سفرینی ادا اېتیش اوچون سعوديه عربستانیگه بارگن. طالبلرنینگ حج وزیرلیگی هر بیر زیارتچی اوچون سفر خرجتینی ۲۶۶مینگ ۴۰۰ افغاني اېتیب بېلگیلهگن.
اۉتگن ییلی هم افغانستاندن ۳۰مینگ کیشی حج زیارتینی عملگه آشیرگن بۉلیب، طالبلر حج وزیرلیگی اولرنینگ عمومي خرجتلرینی۸۰میلیارد ۲۸۷میلیون ۷۷۲ مینگ افغاني دېب اعلان قیلگن.
