«پولیوسیز افغانستان» صحیفهسی مملکتده بیر وقتنینگ اۉزیده بیر نېچته واکسیننی تېزکار قۉللش بۉییچه۱۰کونلیک کمپاین باشلنیشینی معلوم قیلدی.
ایکس صحیفهسیده اعلان قیلینگن پیامگه کۉره، کمپاین اېرتهدن – شنبه، ۱۰اسد کونی باشلنهدی و ۱۰کون دوام اېتهدی.
کمپنی دوامیده بالهلر یاشی و احتیاجیگه قرهب قوییدهگی واکسینلرنی آلهدی: پولیوگه قرشی آغیز تامچیسی (آپو) فعالسیزلنتیریلگن پولیواکسین (ایپو) قیزهمیق واکسینی، پنتاوالنت واکسینی، سینهبغل واکسنی و ایچ کېتیش واکسینی تطبیق اېتیلهدی.
پنتاوالنت واکسینی ترکیبی کسللیککه قرشی بالهلرنی حمایه قیلووچی دیفتری یا عفونت گلو و مجاری تنفسی، سیاهسرفه، انکزاز یا انقباضات آغریقلی عضلانی اۉلدیروچی، هپاتیت ب یا عفونت مزمن کبدی و هموفیلوس آنفولانزا ب یا عامل مننژیت و ذاتالریه، مصون سقلهیدی.
افغانستان و پاکستان دنیاده پولیو (بالهلر فلجی) حلی هم تۉلیق برطرف اېتیلمهگن ایکّی دولت بۉلیب قالماقده.
جاري ییل دوامیده افغانستانده ۶ ته پولیو حالتی قید اېتیلگن. سۉنگگی حالتلر تخمیناً بیر آی اوّل کنر ولایتی نینگ ناری اولسواللیگیده و هلمند ولایتی نینگ نهر سراج اولسواللیگیده انیقلنگن.
