بریتانیانینگ دېنگیز سوداسی عملیاتلری تشکیلاتینینگ معلوم قیلیشیچه، عمان ساحللری یقینیده بیر نفت تانکری نامعلوم سنارید هجومیگه اوچرهگن.
تشکیلات ایکس اجتماعي ترماغیده نشر قیلگن بیاناتیده، نفت تانکری بوگون (شنبه، ۱۰-اسد) اېرتهلب لیما حدودیدن شِمالی-شرقده، تخمیناً۲۰ کیلومتر مصافهده سنارید تېگیشی عاقبتیده تۉختهب قالگنینی بیلدیردی.
کېمه اېگهسی کمپنیسینینگ خوفسیزلیک بۉییچه مسوول وکیلی تانکرنینگ موتور بۉلیمی ضرر کۉرگنینی معلوم قیلگن.
حاضرچه اوشبو هجوم عاقبتیده قربانلر یاکه باشقه ضررلر حقیده رسمي معلومات بېریلمهگن.
اوّل هم شونگه اۉخشش هجوملر اوچون مسوولیت ایرانگه یوکلهتیلگن اېدی. بیراق حاضرچه ایران عامهوي اخبارات واسطهلری اوشبو حادثه یوزهسیدن هېچ قندهی بیانات بېرمهگن.
مذکور واقعه ایران رسميلری هرمز بۉغازی یاپیلیشی دوام اېتیشینی ینه بیر بار تأکیدلهگن پیتده یوز بېردی.
ایران عالي ملي خوفسیزلیک کېنگشی کاتبی محمدباقر ذوالقدر امریکانینگ دېنگیز قملی و حربي حرکتلری دوام اېتسه، هرمز بۉغازی ینهده قطعي یاپیلیشی همده باشقه استراتژیک بۉغاز و یۉلکلر هم بېرکیتیلیشی ممکنلیگینی ایتگن.
