بدخشان ولایتیدن کېلهیاتگن خبرلرگه کۉره، طالبلر یفتل پایان اولسواللیگی اهالیسینینگ ناراضیلیک نمایشینی کوچ بیلن باستیریب، نمایشچیلر تامان اۉق اوزگن.
ایتیلیشیچه، بوگون (شنبه، ۱۰-اسد) توشدن آلدین باشلنگن نمایشلرگه طالبلر کوچلری تامانیدن بیر عیالنینگ تنهسی تینتوو قیلینگنی سبب بۉلگن.
اجتماعي ترماقلرده ترقهلگن ویدېولرده اۉق آوازلری اېشیتیلهدی. شونینگدېک، آدملر قانگه بېلهنگن اَیریم یرهدارلرنی آلیب کېتهیاتگنی هم کۉرینهدی.
بیبیسی دری خبریگه کۉره، طالبلر کوچلرینینگ نمایشچیلرگه قرهته اۉت آچیشی عاقبتیده کمیده تۉرت نفر نمایشچی هلاک بۉلگن.
طالبلرنینگ محلي رسميلری همده مستقل منبعلر حاضرچه قربانلر سانینی تصدیقلهمهگن.
بدخشان نینگ یفتل پایان اولسواللیگی سۉنگگی وقتلرده اهالینینگ ناراضیلیگی و طالبلرگه قرشی قوراللی گروهلر هجوملرینینگ کۉپهییشی بیلن اعتبار مرکزیده بۉلیب کېلماقده.
جاري ییل 26-سرطان کونی طالبلرگه قرشی قوراللی گروهلردن بیری بۉلگن « سپاهيان میهن جبههسی» اوشبو اولسواللیککه هجوم قیلیب، بیر نېچه ساعت دوامیده اونینگ نظارتینی طالبالردن تارتیب آلگنینی دعوا قیلگن.
