طالبلر باش وزیری نینگ اقتصادي مسألهلر بۉییچه اۉرین باسری عبدالغنی برادر نورستان ولایتیگه قیلگن سفری چاغیده سېل عاقبتیده ضرر کۉرگن اهالیگه یاردم کۉرسهتیلیشینی وعده قیلدی.
طالبلرنینگ نورستان ولایتی حاکملیگی مطبوعات خدمتینینگ معلوم قیلیشیچه، برادر دوشنبه کونی (۱۲اسد) ولایتگه تشریف بویوریب، سېل جبردیدهلری بیلن اوچرهشگن.
اونینگ ایتیشیچه، نورستاندهگی سېل قربانلری و ضرر کۉرگن عایلهلرگه یاردم باسقیچمه-باسقیچ یېتکزیب بېریلهدی.
ولایت حاکملیگی معلوماتیگه کۉره، اوشبو سفرده افغانستان تجارت و سرمایه یاتقیزیش اتاقی رئیسی سید کریم هاشمي هم اشتراک اېتگن. او اتاق نامیدن۶ میلیون افغاني، شونینگدېک شخصي مبلغیدن ینه۱میلیون افغاني مقداریده سېل جبردیدهلریگه یاردم اجرهتگن.
۲۹سرطان کونی نورستان ولایتی مرکزی پارون شهری و اونینگ اطرافیده کوچلی یاغینگرچیلیک عاقبتیده ویرانکار سېل یوز بېرگن اېدی.
طالبلر معلوماتیگه کۉره، اوشبو طبيعي آفت عاقبتیده۲۴ کیشی هلاک بۉلگن،۳۵کیشی جراحتلنگن همده قریب۳۵ میلیون امریکا دالری مقداریده مادّي ضرر یېتگن.
تیناوون اېسه ولایت نینگ مندول اولسوالیگیگه هم کوچلی یامغیر و سېل کوزهتیلگن. طالبلر رسميلری بو حادثه نتیجهسیده کتّه مقدارده مادّي ضرر یېتگنینی بیلدیرگن.
