کابل-قندهار عمومی قتناو یۉلینینگ زابل ولایتی حدودیده « ۵۸۰» روسومیدهگی یۉلاوچی بس اغدریلیب کېتیشی عاقبتیده۴۹ کیشی جراحت آلدی.
زابلدهگی باختر اخبارات آژانسی ولایت بۉلیمی خبریگه کۉره، حادثه دوشنبه آقشامی (۱۲ اسد) قلات شهری یقینیدهگی باکورزو منطقهسیده صادر بۉلگن.
خبرگه کۉره، طالبلرنینگ زابل ولایتی ساغلیقنی سقلش ریاستی باشلیغی میرویس افغان مذکور بس حادثهسیده۴۹ کیشی جراحتلنگنینی معلوم قیلگن.
اونینگ ایتیشیچه، جراحتلنگنلر قلات شهریدهگی زابل ولایت شفاخانهسیگه یېتکزیلگن.
حاضرچه اوشبو حادثهده هلاک بۉلگنلر حقیده معلومات یۉق.
بس آغدریلیشینینگ سببی حاضرچه انیقلنمهگن. بیراق شونگه اۉخشش حادثهلرده یۉل-ترانسپورت فاجعهلری نینگ اساسي سببلری صفتیده هیداوچیلر نینگ یوقاری تېزلیکده حرکتلنیشی و احتیاطسیزلیگی کۉرسهتیب کېلینهدی.
طالبلر ترافیک ریاستی نینگ مسووللری اۉتگن ییلی یۉل-ترانسپورت حادثهلرینی کمهیتیریش مقصدیده یۉلاوچی بسلریگه جیپیاس (جایلشوونی انیقلش) تیزیملری اۉرنهتیلگنینی، اولر آرقهلی ترانسپورت واسطهلرینینگ تېزلیگی نظارت قیلینهیاتگنینی معلوم قیلگن اېدی.
شونگه قرهمهی، یوقاری تېزلیک و هیداوچیلرنینگ احتیاطسیزلیگی عاقبتیده یۉلاوچی بسلری اشتراکیدهگی ترافیک حادثه و اغدریلیشلر همان تېز-تېز کوزهتیلماقده.
