طالبلرنینگ اسلام آباددهگی اېلچیخانهسی پاکستان نینگ پنجاب ولایتیدهگی چکوالِ منطقهسیده اَیریم افغانستانلیک مهاجرلرنینگ مال-ملکی کیم آشدی سوداسیگه قۉییلگنی مسألهسینی پاکستان نینگ تېگیشلی ادارهلری بیلن محاکمه قیلگنینی معلوم قیلدی.
اېلچیخانه ایکس اجتماعي ترماغیدهگی صحیفهسیده بوگون، جمعه کونی، ۱۳-سنبله اېلچیخانه هیئاتی چکوالِ گه سفر قیلگنی، افغانستان مهاجرلرینینگ مال-ملکینی جاییده کۉزدن کېچیریب، بهالهگنینی یازدی.
طالبان اېلچیخانهسی معلوماتیگه کۉره، هیئت تېگیشلی محلي رسميلر بیلن افغانستانلیک دوکاندارلرنینگ حقوق و مال-ملکی یۉقاتلمسلیگی اوچون قانوني و مناسب یېچیم تاپیش مسألهسیده مذاکره اۉتکزگن.
اېلچیخانه نینگ بیلدیریشیچه، پاکستاننینگ محلي رسميلری بو بارهده همکارلیک قیلیشگه وعده بېرگن.
طالبلر اېلچیخانهسی افغانستانلیک دوکاندارلرنینگ مال-ملکی قندهی قیلیب کیم آشدی سوداسیگه قۉییلگنی حقیده باتفصیل معلومات بېرمهگن.
افغان مهاجرلرینی پاکستاندن چیقریب یوباریش جریانی سۉنگگی اوچ ییلدن بېری دوام اېتماقده. اوّل هم پاکستان نینگ اَیریم حدودلریده رسميلر بېلگیلهگن مدتلر آرتیدن افغان مهاجرلری اۉز مال-ملکلرینی شاشیلینچ روشده ساتیشگه یاکه کیم آشدی سوداسیگه قۉییشگه مجبور بۉلگن اېدی. پاکستاندهگی افغانستان وطنداشلرینینگ مال-ملکی و اکتیولرینی آلیب چیقیش مسألهسی اوّل هم مهاجرلر و افغانستان رسميلری تامانیدن کۉتریلگن.
